علییئو: آوروپادان طلب آرتدی
"باتیلی اورتاقلاریمیزین قاتقیلارییلا آوراسیانین انرژی خریطه‌سینی دییشدیره‌ن بیر شبکه قوردوق"
آذربایجان جمهورباشقانی ایلهام علییئو، آوروپادا آذربایجان گازینا طلبین آرتدیغینی ایفاده ائد‌رک،
"گؤروله‌جک چوخ ایش وار. ترانس آنادولو طبیعی گاز بورو خطی (تاناپ) و ترانس آدریاتیک بورو خطی (تاپین) گئنیشلدیلمه‌لیدیر" دئدی.
ایلهام علییئو، ۲۸.جی اولوسلارآراسی خزر نفت و طبیعی گاز سرگیسی ایله ۱۱.جی اولوسلارآراسی خزر انرژی و یئنیلنه‌بیلیر انرژی سرگی‌سینی احاطه ائد‌ن باکی انرژی هفته‌سینین آچیلیشینا قاتیلدی.
فعالیت‌ده دانیشان علییئو، آذربایجانین ۱۹۹۰-جی ایللردن اعتباراً تطبیق ائتدیگی نفت و طبیعی گاز سیاستلرینه توخوناراق،
"باتیلی اورتاقلاریمیزین قاتقیلارییلا آوراسیانین انرژی خریطه‌سینی دییشدیره‌ن بیر شبکه قوردوق. آذربایجان، هم اوره‌تیچی، هم ترانزیت هم توکه‌دیچی اولاراق اؤزونو داها چوخ گوونده حس ائدیر. انرژی گوونلیگی بو گون میللی گوونلیگه معادلدیر" دئدی.
آوروپا ایله انرژی ساحه‌سین‌ده‌کی ایلیشکیلره ده توخونان ایلهام علییئو،
"آوروپایا ۲۰۲۲ده ۸ میلیارد مکعب متر، ۲۰۲۳ده ۱۲ میلیارد مکعب متر طبیعی گاز صادر ائتدیک. قایناقلاریمیز گؤز قاباغیندا توتولدوغوندا بو رقم ۲۰۲۷ده ان آز ۲۰ میلیارد مکعب متره چاتاجاق" دئدی.
آوروپادا آذربایجان گازینا طلبین آرتدیغینی، بولقاریستان، رومانی، ماجاریستان، صربیستان کیمی اؤلکه‌لرین ده آذربایجان‌دان گاز آلدیقلارینی و آلاجاقلارینی دیله گتیره‌ن علییئو،
"گؤروله‌جک چوخ ایش وار. تاناپ و تاپین گئنیشلدیلمه‌لیدیر. آوروپادا آرا باغلانتیلارین (اینترکونکتور) ساییسی آرتیریلمالی، بوتون بو ایشلر ایش بیرلیگی ایچینده ایجرا ائدیلمه‌لیدیر. چونکو بیز چیخاراجاغیمیز گازی هارا ساتاجاغیمیزی بیلمه‌لیییک" دئیه دانیشدی.
تورکیه نفتلری آنونیم اورتاقلیغینین (تپاو) دا اسپونسورلاری آراسین‌دا اولدوغو باکی انرژی هفته‌سی چرچیوه‌سینده‌کی سرگیلره، ۳۷ اؤلکه‌دن ۳۲۶ شیرکت قاتیلیر.
۲۸.جی اولوسلارآراسی خزر نفت و طبیعی گاز سرگیسی ایله ۱۱.جی اولوسلارآراسی خزر انرژی و یئنیلنه‌بیلیر انرژی سرگیسی، ۲ ژوئن جمعه گونونه قدر سوره‌جک.
