آذربایجان جمهوریتی ایران ائلچیسینی باخانلیغا چاغیردی
ایران مطبوعاتین‌دا آذربایجان علیه‌ینه یانلیش و طرفلی یایینلارین اؤنله‌نمه‌سی اوچون عاجیل تدبیر گؤرولمه‌سی لزومونون ائلچی موسوییه چاتدیریلدیغی ایفاده ائدیلدی
آذربایجان جمهوریتی و ایران بیر بیرلرینه قارشیلیقلی اعتراض یازیسی وئردی.
آذربایجان جمهوریتی خاریجی ایشلر باخانلیغی سؤزچوسو آیخان حاجیزاده، ایرانین آذربایجانا "ایران علیه‌ینه یایینلارین اؤنله‌نمه‌سی" اوچون اعتراض یازیسی وئردیگینی، آذربایجانین دا عینی سببله ایرانا قارشیلیق وئردیگینی بیلدیردی.
حاجیزاده وئردیگی یازیلی آچیقلامادا، ایرانین اعتراض یازیسی وئرمه‌سینین آردین‌دان بو اؤلکه‌نین باکی ائلچیسی عباس موسوینین باخانلیغا چاغیریلدیغینی بیلدیردی.
موسوییه، ایرانین اعتراض یازیسین‌داکی آذربایجان مطبوعاتییلا باغلی خصوصلارین اؤن یارغیسیز اولمادیغینین ایفاده ائدیلدیگینی ایفاده ائد‌ن حاجیزاده، اونا آذربایجانین قارشیلیق نوتاسینین یانین‌دا ایران مطبوعاتین‌دا آذربایجان علیه‌ینه یاییملانان بعضی یازیلارین لیستینین ده وئریلدیگینی قید ائتدی.
حاجیزاده، ایران مطبوعاتین‌دا داواملی حالا گلن آذربایجان قارشیدی یالان و بؤهتان اؤزللیگینده یازیلارین و ایرانلی مقاملارین گئرچک اولمایان آچیقلامالارینین ایکی اؤلکه ایلیشکیلرینه ضرر وئردیگی و آنلاشیلمازلیقلاری داها دا درینلشدیردیگینین موسوییه چاتدیریلدیغینی بیلدیردی.
ایکی اؤلکه آراسین‌دا یاشانان آنلاشیلمازلیقلارین دایما ایرانین تک طرفلی توتوم و آددیملارین‌دان قایناقلاندیغینی بیلدیره‌ن حاجیزاده، آذربایجانین یاخشی نیت‌ی آددیملارینین ایران‌دان قارشیلیق گؤرمه‌دیگینی قید ائتدی.
حاجیزاده، ایران مطبوعاتین‌دا آذربایجان علیه‌ینه یانلیش و طرفلی یایینلارین اؤنله‌نمه‌سی اوچون عاجیل تدبیر گؤرولمه‌سی لزومونون ائلچی موسوییه چاتدیریلدیغینی ایفاده ائتدی.
