تورک دونیاسی بلدیهلر بیرلیگی توپلاندی
ایستانبولدا گئرچکلشدیریلن ییغینجاغا تورکیهدن و یورددیشیندان بلدیه باشقانلاری قاتیلدی
تورک دونیاسی بلدیهلر بیرلیگی یؤنهتیم قورولو ییغینجاغی، ایستانبولدا گئرچکلشدیریلدی.
بیرلیگین، زیتینبورنونداکی باش مرکزینده گئرچکلشدیریلن ییغینجاغا تورکیهدن و یورددیشیندان بلدیه باشقانلاری قاتیلدی.
تورک دونیاسی بلدیهلر بیرلیگی باشقانی و قونیا بؤیوکشهر بلدیه باشقانی اوغور ابراهیم آلتای، ییغینجاغا باغلی وئردیگی آچیقلامادا، بیرلیگین مقصدینین، تورکجه دانیشان و کؤنول جغرافیاسینداکی یئرلی یؤنهتیملرین بیر آرایا گلدیگی اولوسلارآراسی بیر بیرلیک میدانا گتیرمک اولدوغونو وورغولادی.
آلتای، بو گون اعتیبارییلا ۳۰ اؤلکهدن ۱۲۰۰ه یاخین شهرین بیرلیگیه عضو اولدوغونو ایفاده ائتدی.
بیرلیگین تمل مقصدینین، عضو اؤلکهلرین شهرلری آراسینداکی قارداشلیق ایلیشکیسینین یوکسلدیلمهسی، شهرلرین پروبلئملرینین معین ائدیلمهسی و حل تکلیفلرینین سونولماسی، آیریجا مدنی میراثین یاشادیلماسییلا باغلی ایشلر ایجرا ائتمک اولدوغونو بیلدیرن آلتای،
"تورک دونیاسی بلدیهلر بیرلیگی اولاراق اؤزللیکله قارداش شهر ایلیشکیلرینین قورولماسی و بلدیهلریمیز آراسینداکی تجروبه پایلاشیمینین ایجرا ائدیلمهسی ایله باغلی اؤنملی پروژهلر ایجرا ائدیریک. بو گونکو ییغینجاغیمیزدا اؤزللیکله زلزله فلاکتینده یاشانانلارلا باغلی معلومات پایلاشاجاغیق" دئدی.
ییغینجاغا، تورکیهدن عضولرین یانیندا آلبانی بلدیهلر بیرلیگی باش مودورو، بوسنی و هرزگوین نووی گراد سارایئوو بلدیه باشقانی، قیرقیزیستان یئرلی یؤنهتیملر باشقانی، قوزئی مقدونیه تئتووا (قالخاندلن) بلدیه باشقانی، لبنان دانیه بلدیه باشقانی، موغولستان یئرلی یؤنهتیملر بیرلیگی باشقانی، اؤزبکیستان کوکند بلدیه باشقانی قاتیلدی.