"۳۵۰ میلیون تورک دونیاسی عینی کدری یاشاییر"
قیرقیزیستانلی اؤیرنجیلر قهرمانماراش‌داکی زلزله‌دن ضرر گؤرن اوشاقلارا اویونجاق گؤندردی
قیرقیزیستانین نارین شهرین‌ده‌کی آتاتورک آنااوخولو اؤیرنجیلرینین گؤندردیگی اویونجاقلار، ۶ فوریه‌ده‌کی زلزله‌لرین مرکزی قهرمانماراش‌داکی اوشاقلارا تحویل وئریلدی.
باشکند آنکارادا علی عزت‌بگوویچ پارکین‌دا قورولان چادیر شهرده اوشاقلار اوچون آنکارانین ائتی‌مسگوت سمتی بلدیه‌سی طرفیندن پروگرام تشکیل ائدیلدی.
کؤنوللو اؤیرتمنلردن اولوشان تاتر قروپو طرفیندن سونولان اویونونون آردیندان، زلزله‌دن ضرر گؤرن اوشاقلارا قیرقیزیستانلی اؤیرنجیلرین گؤندردیگی اویونجاقلار پایلاندی.
ائتی‌مسگوت بلدیه‌سی مطبوعات و خالقلا ایلیشکیلر مودوری اسماعیل شاهین،
"بو ایشین معنوی معناسی چوخ بؤیوک. مادیاتدان چوخ بیر تورک قارداشلیغی. نئجه کی آذربایجان‌لی بیر قارداشیمیز زلزله سحری اسکی بیر اتومبیلینه یاتاغینی، یورغانینی یوکله‌ییب زلزله بؤلگه‌سینه گله‌بیلیرسه قیرقیز اوشاقلار دا عینی دویغونو، عینی هیجانی، عینی کدری یاشاییر. ۳۵۰ میلیون تورک دونیاسی عینی کدری یاشاییر" دئدی.
تاتر قروپو مودورو اؤیرتمن الیفه کولتوراوغلو، شهرده‌کی چادیر و کانتینر شهرلرده اوشاق اویونلاری سرگیلدیکلرینی ایفاده ائد‌رک،
"اوشاقلار چوخ موتلو اولور چونکو بو آن ان چوخ بونا احتیاجلاری وار. آجیلاری دیندیرمک و موتلو ائتمک بیزلری ده موتلو ائدیر" دئیه دانیشدی.
