تۆرک دؤولتلری تشکیلاتی ذیروه‌سی آنکارادا باشلادی
ذیروه ساحه‌سینده، تاریخده قورولان ۱۶ تۆرک دؤولتینی تمثیل ائدن بایراقلار و عسگرلر یئر آلدی
جمهورباشقانی رجب طیب اردوغان، ۶ فوریه‌ده میدانا گلن زلزله فلاکتینین آردیندان تۆرک دۆنیاسینین یاردیما ایلک گلنلر آراسیندا اولدوغونو سؤیله‌دی.
تۆرک دؤولتلری تشکیلاتی اولاغان اۆستو ذیروه‌سی، جمهورباشقانی اردوغانین ائو صاحیبلیگینده باشلادی.
"فلاکت عاچیل دوروم یؤنه‌تیمی و اینسانی کؤمک" قونوسو ایله باشکند آنکارادا جمهورباشقانلیغی ساراییندا تشکیل ائدیله‌ن ذیروه‌یه، آذربایجان جمهورباشقانی ایلهام علییئو، قازاقیستان جمهورباشقانی قاسیم جؤمرت توکایئو، قیرقیزیستان جمهورباشقانی سادیر جاپاروو، دؤنم باشقانی اؤزبکیستان جمهورباشقانی شؤوکت میرضیایئو ایله گؤزلمچی اؤلکه‌لری تمثیل ائدن قوزئی قیبریس تۆرک جمهوریتی جمهورباشقانی چار‌سین تاتار، ماجاریستان باشباخانی ویکتور اوربان و تۆرکمنیستان خالق مصلحتی باشقانی قوربان‌قولو بردی‌محمدوو قاتیلیر.
ذیروه‌نین تشکیل ائدیله‌جگی سالون‌دا جمهورباشقانی اردوغان ایله ال سیخیشان لیدئرلر، عائله فوتوگرافی چکدیردی.
ذیروه ساحه‌سینده، تاریخده قورولان ۱۶ تۆرک دؤولتینی تمثیل ائدن بایراقلار و عسگرلر ده یئر آلدی.
ذیروه‌نین آچیلیشین‌دا لیدئرلره خیطاب ائدن اردوغان، زلزله فلاکتینین آردیندان تۆرک دۆنیاسینین یاردیما ایلک گلنلر آراسیندا اولدوغونو سؤیله‌دی. جمهورباشقانی،
"عزیز میللتیمیز بو دستگینیزی هئچ بیر زامان اونوتمایاجاق" دئدی.
آذربایجانین تکلیفی ایله، بؤیوک زلز‌له‌لر یاشایان تۆرکیه ایله دایانیشما اوچون تشکیل ائدیله‌ن ذیروه‌ده، فلاکتلر و تاثیرلری ایله موباریزه‌ده امکداشلیغین گلیشدیریلمه‌سینه دایر قونولار اله آلیناجاق.
ذیروه‌ده آیریجا، مشترک گوند‌م‌ه یئر آلان قونولاردا فیکیر آلیش وئریشی اولاجاق.
