اردبیلده ۴۰۰دن چوخ اؤیرنجی زهرلندی
اردبیل ایالتیندهکی ۱۱ اوخولدا ۴۰۰دن چوخ قیز اؤیرنجینین زهرلندیگی ایفاده ائدیلدی
ایرانین مختلیف شهرلریندهکی اوخوللاردا تخمیناً ۳ آیدیر گؤرولهن توپلو زهرلهنمه اولایلاری ایله باغلی آراشدیرمالار سۆررکن اردبیل ایالتینده ۴۰۰دن چوخ اؤیرنجینین داها زهرلندیگی بیلدیریلدی.
"عصرران" اینترنت سایتین خبرینه گؤره، اردبیل طب بیلیملری اونیوئرسیتهسی رئیسی علی محمدیان دونن ایالتدهکی ۱۱ اوخولدا ۴۰۰دن چوخ قیز اؤیرنجینین زهرلندیگینی ایفاده ائتدی.
محمدیان، ۳۰۲ اؤیرنجینین بیر نئچه ساعات ایچینده ایلک معلیجهلرینین آردیندان خستهخانادان مرخص ائدیلدیگینی، ۱۰۰ اؤیرنجینین ایسه کنترل آلتیندا توتولدوغونو بیلدیردی.
اؤیرنجیلرین وضعیتلرینین یاخشی اولدوغونو بیلدیرن محمدیان، لازیمل اولان موداخیلهنین یانیندا معاینهلرین ده ائدیلدیگینی و آیرینتیلی بیلگیلرین داها سونرا توپلوم ایله پایلاشیلاجاغینی سؤزلرینه علاوه ائتدی.
ایراندا ۳۰ نوامبر ۲۰۲۲دن بو یانا اوخوللاردهکی توپلو زهرلهنمه حادثهلری دقت چکیر.
قوم، لوریستان، تهران، اردبیل، کرمانشاه، سمنان، مازندران، چهارمحال و بختیاری، البرز و رضوی خوراسان ایالتلرینده ۳ آیدا تخمیناً ۲ مین اؤیرنجینین زهرلندیگی تخمین ائدیلیر.
تهراندا دونن ائدیلهن باخانلار قورولو توپلانتیسیندا شوبههلی زهرلهنمه حادثهلرینی آراشدیرماق اوزره ایچ ایشلری باخانی احمد وحیدینین وظیفهلندیریلدیگی بیلدیریلمیشدی.
مجلیس تحصیل، آراشدیرما و تکنولوژی کومیسیونو باشقانی علیرضا موادی سفیدان ایسه،
"ائدیلهن تعقیب و تست نتیجهلرینه گؤره، اوخوللاردا ایستیفاده ائدیلهن زهرده ان۲ (دیازوت) گازینین اولدوغو معین ائدیلدی" آچیقلاماسینی وئرمیشدی.
ایلگیلیلی خبرلر
بایراکتار TB3 سلاحلی هاوا آراجی (سیها) ایلک آتیش سیناغیندا هدفی دقیق ووروب
بایراکتار TB3 SİHA، روکئتسان طرفیندن حاضیرلانمیش ایکی MAM-T سورساتی ایله هاوایا قالخدی
