علییئو: ان آز ۱۰۰ ایللیک گاز رزرویمیز وار
«آوروپایا هم طبیعی گاز هم ده یئنیله‌نه‌بیلیر انرژی چاتدیریلماسی ایله باغلی گله‌جک پلانلاریمیزین دا باشاریلی اولاجاغیندان آرخایینام»
آذربایجان جمهوریتی جمهورباشقانی ایلهام علییئو ۲۰۲۷-جی ایله قدر آوروپایا گاز صادراتینی ایکی قات آرتیرماغی پلانلاشدیردیقلارینی بیلدیررک،
«بیزه و اورتاقلاریمیزا ان آز ۱۰۰ ایل یئته‌جک دوغال گاز رزرویمیز وار» دئدی.
باکی‌دا «گونئی گاز دالانی ۹-جو مشورت شوراسی توپلانتیسی» تشکیل ائدیلدی.
علییئو، توپلانتیداکی دانیشماسیندا ۲۰۲۷-جی ایله قدر آوروپایا گاز صادراتینی ایکی قات آرتیرماغی پلانلاشدیردیقلارینی و بونون اوچون قایناقلارا صاحیب اولدوقلارینی بیلدیررک، قارشیلیقلی ایراده اورتایا قویدوقلاری آوروپالی مخاطبلری ایله یوکسک گۆون ایچینده حرکت ائتدیکلرینی وورغولادی.
علییئو، آذربایجانین طبیعی گاز صادراتینا دایر،
«طبیعی گاز صادراتیمیز آرتیر. ۲۰۲۱-جی ایلده تقریباً ۱۹ میلیارد مکعب متر، گئچه‌ن ایل ایسه ۲۲،۶ میلیارد مکعب متر طبیعی گاز صادر ائتدیک. ۲۰۲۳-جو ایلده بو طبیعی گاز صادراتینین ۲۴،۵ میلیارد مکعب متره چاتاجاغینی گؤزله‌ییریک. بیزه و اورتاقلاریمیزا ان آز ۱۰۰ ایل یئته‌جک قدر طبیعی گاز رزرویمیز وار» دئدی.
داها اؤنجه حیاتا گئچیردیکلری باکی-تفلیس-جیحان نفت بورو خطی، باکی-تفلیس-ارزوروم طبیعی گاز بورو خطی و گونئی گاز دالانی کیمی بوتون پروژه‌لرین باشاریلی اولدوغونو وورغولایان علییئو،
«آوروپایا هم طبیعی گاز هم ده یئنیله‌نه‌بیلیر انرژی چاتدیریلماسی ایله باغلی گله‌جک پلانلاریمیزین دا باشاریلی اولاجاغیندان آرخایینام. بونون اوچون بیز اکیپ اولاراق ایشیمیزی داوام ائتدیرمه‌میز و بیر بیریمیزی دایم دستک اولمامیز لازیمدیر» ایفاده‌لرینی ایشلتدی.
ایلگیلی‌لی خبرلر
آذربایجان خالقی و یئنی گۆن بایرامی
تۆرک خالقلارینین عنعنه‌لریندن اولان یئنی گۆن یازین گلیشینین بایرام ائدیلمه‌سیدیر
