ایرانین باکی‌داکی ائلچیسی باخانلیغا چاغریلدی
ایران ائلچیسی موسوییه، سون واختلار ایران‌دا آرتان آذربایجان قارشیدی پلانلی تبلیغاتدان دویولان راحاتسیزلیق و باش وئره‌ن حادثه‌لرین اونسوز دا مورکب اولان ایلیشکیلری داها دا گرگینلشدیردیگی ایفاده ائدیلدی
ایرانین باکی‌داکی ائلچیسی عباس موسوی آذربایجانین تهران ائلچیلیگین‌ده تؤره‌دیله‌ن ترور سالدیریسی ایله باغلی خاریجی ایشلر باخانلیغینا چاغریلدی.
آذربایجان خاریجی ایشلر باخانلیغین‌دان وئریله‌ن معلوماتا گؤره، هر دؤولتین دیپلوماتیک ایلیشکیلر حاقین‌دا وین سؤزلشمه‌سیندن ایر‌لی گلن تعهدلاری اساسیندا اؤلکه‌ده‌کی دیپلوماتیک نماینده‌لیکلری قوروماسی ضرورتی، ائلچی موسوییه چاتدیریلدی.
موسوییه، تهران ائلچیلیگینه ائدیلن سالدیرینین آذربایجان طرفین‌دن کسکین شکیلده قیناندیغی و دیپلوماتیک نماینده‌لیکلره بو جور سالدیریلار قبول ائدیلمز اولدوغو بیلدیریلدی.
ایرانین باکی‌داکی ائلچیسی موسوی‌دن ایرانین ایلگیلی مقاملاری طرفین‌دن ترور سالدیریسینی تؤره‌دنین تئز بیر زامان‌دا عدالت اؤنونه چیخاریلماسی، ترور سالدیریسینین هرطرف‌لی بیر شکیلده سوروشدورولماسی، ترور سالدیرینین تشکیلی و تؤردیلمه‌سین‌ده ایشتیراک ائد‌ن دیگر شخصلرین معین ائدیله‌رک جزالاندیریلماسی شدتله طلب ائدیلدی.
موسوییه، سون واختلار ایران‌دا آرتان آذربایجان قارشیدی پلانلی تبلیغاتدان دویولان راحاتسیزلیق و باش وئره‌ن حادثه‌لرین اونسوز دا مورکب اولان ایلیشکیلری داها دا گرگینلشدیردیگی ایفاده ائدیلدی.
ائلچی موسوی ایسه سالدیرینی شدتله قینادیغینی و باش وئره‌نلردن کدر دویدوغونو بیلدیریدی و حیاتینی ایتیره‌ن گوونلیک رئیسی اوچون باش‌ساغلیغی وئریدی.
اؤته یاندان، تهران پلیس اداره‌سینین رئیسی حسین رحیمینین وظیفه‌‌دن آلیندیغی آچیقلاندی.
