آذربایجان: ایران لازیم اولان تدبیرلری آلمادی
"ایراندان بو ترور سالدیریسینی تؤرهدنلر ایله بو قانلی سالدیرینین امرینی وئرنلرین تئز بیر زاماندا معین ائدیلهرک ان آغیر شکیلده جزالاندیریلماسینی شدتله طلب ائدیریک"
آذربایجان ایرانین باشکندی تهرانداکی ائلچیلیگینه سلاحلی سالدیریدا ایرانین، دیپلوماتیک نمایندهلیگین گوونلیگینی تامین ائتمک اوچون لازیم اولان تدبیرلری آلمادیغینی آچیقلادی.
آذربایجان خاریجی ایشلر باخانلیغینین آچیقلاماسیندا تهران ائلچیلیگینه سالدیرینین شدتله قیناندیغی بیلدیریلرک،
"بئله حاللارین قارشیسینین آلینماسی و دیپلوماتیک نمایندهلیکلریمیزین گوونلیگینین تامین ائدیلمهسی ایستیقامتینده تدبیرلر دایما ایرانین نزدینده گوندمه گتیریلمیشدیر. تأسفلر اولسون کی، سون قانلی ترور سالدیریسی بو ایستیقامتدهکی عاجیل چاغریلاریمیزا لازیم اولان حساسلیغی گؤسترمهمهیین جدی نتیجهلره سبب اولدوغونو اورتایا قویور. ایراندا سون درنمده آراتان آذربایجان قارشیدی تبلیغاتین بئله سالدیریلاری تشویق ائتدیگی قناعتیندهییک» ایفادهلری ایشلهدیلدی.
آچیقلامادا،
"ایراندان بو ترور سالدیریسینی تؤرهدنلر ایله بو قانلی سالدیرینین امرینی وئرنلرین تئز بیر زاماندا معین ائدیلهرک ان آغیر شکیلده جزالاندیریلماسینی شدتله طلب ائدیریک. آذربایجان طرفی، فاعللرین معین ائدیلمهسی و معقول بیر شکیلده جزالاندیریلماسی اوچون ایلگیلی اولوسلارآراسی مکانیزملرین وئردیگی بوتون واسطهلردن ایستیفاده ائدجک. ترورو سالدیریسی سونوجو یارانمیش وضعیتله باغلی ائلچیلیگین امکداشلارینین و عائله عضولرینین تخلیهسی اوچون لازیم اولان تدبیرلرین گؤرولمهسی پلانلانماقدادیر" دئییلدی.
بو گون سحر ساعاتلاریندا آذربایجانین تهران ائلچیلیگینه سلاحلی سالدیری ائدیلمیش، کالاشنیکوو ایله آتیش ائدن سالدیرقان، ائلچیلیگین محافظه رئیسینی اؤلدورموش، ۲ گوونلیک گؤرهولیسینی یارالامیشدی.
ایلگیلیلی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوهسینده دؤولتین مولکیتینه گئچمیشدی