"یونانیستان، تۆرکلرین حاقلارینی یوخ ساییر"
باتی تراکیادا اولان دوستلوق برابرلیک باریش پارتیسی، تۆرک آزلیغینین پروبلئملرینی مکتوبلا بیرلشمیش میللتلر تشکیلاتینا چاتدیردی
یونانیستان اولوسلارآراسی و ایکیلی آنلاشمالاری یوخ سایاراق تۆرک آزلیغینین حاقلارینی گؤرمزلیک‌دن گلیر.
باتی تراکیادا اولان دوستلوق برابرلیک باریش پارتیسی، تۆرک آزلیغینین پروبلئملرینی مکتوبلا بیرلشمیش میللتلر تشکیلاتینا چاتدیردی.
مکتوبدا، تحصیل‌ده‌کی چتینلیکلره و آتنین اؤزارک تحصیل سیستمینه موداخیله‌سینه دقت چکیلدی.
آتن یؤنه‌تیمی طرفیندن، سون ۲۰ ایلده ۱۰۰دن چوخ آزینلیق ایلک اوخولونون باغلاندیغی بیلدیریله‌ن مکتوبدا، تۆرکجه و یونانجا اولماق اۆزره ایکی دیللی تحصیل وئره‌جک اوشاق باغچالارینین قورولماسینا ایجازه وئریلمه‌دیگی وورغولاندی.
باتی تراکیا تۆرک آزلیغینا، اولوسلارآراسی و اولوسال قایدالارلا اؤز دینی لیدئرلرینی سئچمه حاقی وئریلدیگی ده خاتیرلادیلان مکتوبدا،
"یونانیستان، اولوسلارآراسی و ایکیلی آنلاشمالارین حؤکوملرینه ضد اولاراق آزلیغین اؤز دینی لیدئرلرینی سئچمه حاقینی الیندن آلمیشدیر" ایفاده‌سی ایشله‌دیلدی.
دوستلوق برابرلیک باریش پارتیسینین مکتوبوندا، تۆرک آزلیغینین بؤیوک بیر آیریمچیلیغا معروض قالان هؤرگوتلنمه و توپلانما اؤزگورلوگو حاقیندان دا ایستیفاده ائده‌بیلمه‌دیگی وورغولاندی.
مکتوبدا آیریجا آتنین آدیندا تۆرک سؤزو اولان درنکلری باغلادیغی، آوروپا اینسان حاقلاری محکمه‌سینین قرارلارینی ایجرا ائتمه‌دیگی ده وورغولاندی.
ایلگیلی‌لی خبرلر
قوم‌دا بیر اوخولدا داها اؤیرنجیلر زهرله‌ندی
قوم شهرینده‌کی بلقیس برقعی قیز اوخولوندا چوخ ساییدا اؤیرنجی هله بیلینمه‌ین بیر سببله زهرله‌ندی
علییئودن اورتاق اونیوئرسیته وورغوسو
«آذربایجان-تۆرکیه اورتاق اونیوئرسیته‌سینین قورولماسی بؤیوک اؤنم داشیییر»
