حولوصی آکار:"آذربایجانا یئنه ده دستک وئرمه‌یه حاضیریق"
جمهور باشقانلیغی میللت کیتاب‌خاناسیندا آذربایجان پرزیدنتی ایلهام علی یئوه حصر اولونموش "وطن محاربه‌سی تاریخی: شخصیت فاکتورو" کیتابی‌نین تقدیماتی کئچیریلیب.
بونو میللی ساوونما ناظیری حولوصی آکار جمهور باشقانلیغی میللت کیتاب‌خاناسیندا آذربایجان پرزیدنتی ایلهام علی یئوه حصر اولونموش "وطن محاربه‌سی تاریخی: شخصیت فاکتورو" کیتابی‌نین تقدیمات مراسیمینده دئییب.
تدبیرده چیخیش ائدن ناظیر حولوصی آکار آذربایجان و ائرمنیستان آراسیندا 44 گون داوام ائدن 2-جی قاراباغ محاربه‌سینده باش وئرن‌لرین تورکیه طرفیندن یاخیندان ایزلندیگینی بیلدیریب.
آذربایجان تورپاق‌لاری‌نین عدالت‌سیز محاربه نتیجه‌سینده ایشغال ائدیلدیگینی دیله گتیرن آکار دئییب:
"(آذربایجان‌لی‌لار) هامینیزین یاخشی بیلدیگینیز، لاکین دونیانین ائشیتمک، گؤرمک ایسته‌مه‌دیگی چوخ آغیر قیرغین‌لارا، قاتیل‌لره، قتل‌لره معروض قالیب‌لار. بو حادثه لر باش وئردیگی زامان آوروپا بیرلیگی، ناتو، بیرلشمیش میللتلر تشکیلاتی، دیگر اولکه لر آتت-ین مینسک قروپونون هم صدرلری - روسیا، امریکا و فرانسا موداخیله ائتمه‌ییب. نتیجه‌ده آذربایجان اؤزو بو مسئله‌نی حل ائدیب. تورکیه و آذربایجان بیردیر و آیریلمازدیر. تورکیه هر زامان آذربایجانین یانیندا‌دیر. بیز آذربایجان سلاح‌لی قوه‌لرینه هرطرف‌لی دستک وئریر و اونلارین مدرنلشدیریلمه‌سینده فعال ایشتیراک ائدیریک".
"بیز ساواشماق اوچون دئییل، ساواشین قارشی‌سینی آلماق اوچون واریق. اگر ائرمنیستان آذربایجانین اوزاتدیغی باریش الینی توتارسا، بولگه‌ده باریش برقرار اولار، بیز ده بونون طرفداریییق"، - آکار قئید ائدیب.
ناظیر علاوه ائدیب کی، تورکیه آذربایجانلا بیرلیکده ایشغال‌دان آزاد ائدیلمیش اراضی‌لرین مین لردن تمیزلنمه‌سینده، ساوونما سیستم لرینین اینکیشافیندا، اوردونون تعلیمینده ایشتیراک ائدیر.
قئید ائدک کی، "قاراباغ آذربایجان‌دیر!" شعاری آلتیندا تشکیل اولونان مراسیمده ایکی قارداش اؤلکه‌نین ساوونما ناظیرلری، سلاح‌لی قوه‌لرینین قوموتانلیق لاری، سفیرلر، اولوسلار آراسی تشکیلات‌لارین تمثیلچی‌لری، میللت وکیل‌لری، تانینمیش عالیم‌لر، تورکیه-ده یاشایان و چالیشان آذربایجان‌لی‌لار ایشتیراک ائدیب‌لر.
اولجه شهیدلریمیزین عزیز خاطره‌سی بیر دقیقه‌لیک سوکوتلا یاد ائدیلیب، ایکی اؤلکه‌نین دؤولت هیمن‌لری سسلندیریلیب.
میللی لیدئر حیدر علی یئوین زنگین معنا‌لی حیات و فعالیتینی، ایکی اؤلکه‌نین قارداش‌لیغینی، قاراباغ ظفرینی عکس ائتدیرن فیلم نوماییش اولونوب.
مراسیم زنگین بدیی پروقراملا داوام ائدیب.
قئید ائدیلیب کی، "وطن محاربه‌سی تاریخی. شخصیت فاکتورو" کیتابی باکی شهر ایجرا حاکمیتی ایله آذربایجان میللی علم‌لر آکادمیاسی‌نین (AMEA) باکیخانوو آدینا تاریخ اینستیتوتونون بیرگه نشری‌دیر.
