چاووش‌اوغلو: باتی تراکیا تۆرکلرینی یالنیز بوراخمایاجاغیق
"یونانیستان لوزان آنلاشما‌سینی و سویداشلاریمیزین تمل اینسان حاقلارینی پوزماق‌دا اصرارلی‌دیر"
خاریجی ایشلر باخانی مؤولود چاووش‌اوغلو، باتی تراکیا تۆرکلرینی هئچ واخت یالنیز قویمایاجاقلارینی بیلدیردی.
باخان چاووش‌اوغلو باشکند آنکارادا باتی تراکیا تۆرک آزلیقلاری مصلحت شوراسینین عضولرینی قبول ائتدی.
گؤروشمه ایله باغلی سوسیال مئدیا حسابین‌دان آچیقلاما وئره‌ن چاووش‌اوغلو:
"یونانیستان لوزان آنلاشما‌سینی و سویداشلاریمیزین تمل اینسان حاقلارینی پوزماق‌دا اصرارلی‌دیر. بیز باتی تراکیا تۆرکلرینی هئچ واخت تک قویمادیق، هئچ واخت تک قویمایاجاغیق!" ایفاده‌لرینی ایشلتدی.
چاووش‌اوغلو، یونانیستانین باتی تراکیاداکی تۆرک آزلیغینین "تۆرک" کیملیگینی تانیمادیغینا دقته چکدی.
یونانیستانین تۆرک آزلیغینا عاید اوخول، وقف، درنک و جماعت قئلارینین آدلارین‌دا تۆرک سؤزونون ایشلدیلمه‌سینه ایجازه وئرمه‌دیگینی قید ائد‌ن چاووش‌اوغلو، آتنین، تۆرک آزلیغینین درتکلشمه اؤزگورلوگونو پوزدوغونو وورغولادی.
آوروپا اینسان حاقلاری محکمه‌سینین یونانیستانی بو پوزونتولارا گؤره اوچ دفعه محکوم ائتدیگینی خاطیرلادان چاووش‌اوغلو، آتنین آوروپا اینسان حاقلاری محکمه‌سینین بو قرارلارینی تخمیناً ۱۵ ایلدیر ایجرا ائتمه‌دیگینی ایفاده ائتدی.
ایلگیلی‌لی خبرلر
آذربایجان تورکیه-یه 34 نفرلیک هیئت گوندریب
آذربایجان تورکیه-یه طبی لوازیمات و 34 نفرلیک طبی هئیت اولان ایکی اوچاق گؤندریب
زلزله قازاقیستانی دا تیترتدی
۵،۴ بؤیوکلوگونده‌کی زلزله، اؤلکه‌نین گونئیینده‌کی آلماتی شهرینین ۶۲۸ کیلومتر باتیسیندا میدانا گلدی
