فرانسانین باکی‌ ایش‌گۆدری باخانلیغا چاغریلدی

خاریجی ایشلر باخانلیغینا چاغیریلان فرانسانین موقتی ایشلر وکیلی لو لان، فرانسا اولوسال مجلیسینین آذربایجانا قارشی قبول ائتدیگی یانلیش و بؤهتان اؤزللیگینده‌کی قرارا اعتراض ائدیلدیگی بیلدیردی

1913856
فرانسانین باکی‌ ایش‌گۆدری باخانلیغا چاغریلدی

آذربایجان، فرانسا اولوسال مجلیسینین قبول ائتدیگی بیر قرار ندنی ایله بو اؤلکه‌نین باکی‌ ایش‌گۆدری ژولین لو لانی خاریجی ایشلر باخانلیغینا چاغیردی.

باخانلیقدان وئریله‌ن آچیقلامایا گؤره، خاریجی ایشلر باخانلیغینا چاغیریلان فرانسانین موقتی ایشلر وکیلی لو لانا، فرانسا اولوسال مجلیسینین آذربایجانا قارشی قبول ائتدیگی یانلیش و بؤهتان اؤزللیگینده‌کی قرارا اعتراض ائدیلدیگی بیلدیردی.

آچیقلامادا، فرانسا اولوسال مجلیسینین قرارینین، آذربایجانلا ارمنیستان آراسینداکی ایلیشکیلرین نورماللاشماسی پروسه‌سینه و بؤۀگه‌ده باریش و دینجلیگی برقرار ائتمه چابالارینا زبیر سالدیری گیریشیمی اولاراق گؤرولدوگونون، ایش‌گۆدر  لو لانا چاتدیریلدیغی بیلدیریلدی.

ایش‌گۆدر لو لان، فرانسا اولوسال مجلیسینین قرارینین، حکومتین رسمی توتومونو عکس ائتدیرمه‌دیگینی وورغولایاراق آذربایجانین توتومونو فرانسالی مقاملارا چاتدیراجاغینی بیلدیردی.

فرانسادا اولوسال مجلیسده "آذربایجانین ارمنیستانا قارشی سالدیریسینی سونلاندیرماسینی و گونئی قافقازدا باریشین قورولماسینی" نظرده توتان قرار لایحه‌سی موذاکیره ائدیلمیشدی.

اوتوروما قاتیلان ۲۵۶ میلت وکیلینین هامیسی لایحه‌یه قانون مثبت اوی وئرمیشدی.

باغلاییجی اولمایان قرار لایحه‌سین‌ده آذربایجان گوجلرینین و متفیقلرینین ارمنیستانا عاید اولدوغو ادعا ائدیله‌ن تورپاقلاردان چیکیلمه‌لری طلب ائدیلیردی.

لایحه‌‌ده آیریجا فرانسا حکومتینه، ارمنیستانا عاید اولدوغو ادعا ائدیله‌ن  تورپاقلاردا "ایشغالین و سالدیریلارین" داوام ائتمه‌سی حالیندا، اقتصادی تحریملر تطبیقی ائتمه‌نی  گؤز اؤنونده توتماچاغریسی ائدیلمیش، ارمنیستانا دستگینین آرتیریلماسی طلبی بیلدیریلمیشدی.

 



ایلگیلی‌لی خبرلر