آذربایجان‌دان فرانسایا تپکی

"فرانسا اولوسال مجلیسینده آذربایجانا قارشی قبول ائتدیلن یالان و بؤهتان اولان قرار، بیر مدت اؤنجه سنادا قبول ائدیلن قرار کیمی، فرانسانین آذربایجانا قارشی یئنی بیر تخریباتیدیر"

1913497
آذربایجان‌دان فرانسایا تپکی

آذربایجان، فرانسا پارلمانینین آلت قانادی اولوسال مجلیسده قبول ائدیله‌ن آذربایجان قارشیدی قرارا تپکی گؤستردی.

آذربایجان خاریجی ایشلر باخانلیغیندان وئریلن آچیقلامادا، "۳۰ نوامبر ۲۰۲۲ده فرانسا اولوسال مجلیسینده آذربایجانا قارشی قبول ائتدیلن یالان و بؤهتان اولان قرارین، بیر مدت اؤنجه سنادا قبول ائدیلن قرار کیمی، فرانسانین آذربایجانا قارشی یئنی بیر تخریباتی اولدوغو" بیلدیریلدی.

آچیقلاما‌دا، سؤزوگئدن قرارلا آذربایجان ایله ارمنیستان آراسینداکی ایلیشکیلرین نورماللاشماسی پروسه‌سینین و بؤلگه‌ده باریش و دینجلیگی گتبرمه چابالارینین بالتالانماسینین آماجلاندیغی قید ائدیلدی.

آچیقلامادا، اولوسلارآراسی حقوقون پرنسیپلرینه ضد اولان بو قرارین فرانسانین طرفلی سیاسی توتومونو، دولاییسیلا طرفسیز و عدالتلی بیر آرا‌چی اولاراق حرکت ائده‌بیلمه‌دیگینی بیر داها آچیق شکیلده اورتایا قویودوغو بیلدیریلدی.

فرانسادا اولوسال مجلیسده دونن "آذربایجانین ارمنیستانا قارشی سالدیریسینی سونلاندیرماسینی و گونئی قافقازدا باریشین قورولماسینی" نظرده توتان قرار لایحه‌سی موذاکیره ائدیلمیشدی.

اوتوروما قاتیلان ۲۵۶ میلت وکیلینین هامیسی لایحه‌یه قانون مثبت اوی وئرمیشدی.

باغلاییجی اولمایان قرار لایحه‌سین‌ده آذربایجان گوجلرینین و متفیقلرینین ارمنیستانا عاید اولدوغو ادعا ائدیله‌ن تورپاقلاردان چیکیلمه‌لری طلب ائدیلیردی.

لایحه‌‌ده آیریجا فرانسا حکومتینه، ارمنیستانا عاید اولدوغو ادعا ائدیله‌ن  تورپاقلاردا "ایشغالین و سالدیریلارین" داوام ائتمه‌سی حالیندا، اقتصادی تحریملر تطبیقی ائتمه‌نی  گؤز اؤنونده توتماچاغریسی ائدیلمیش، ارمنیستانا دستگینین آرتیریلماسی طلبی بیلدیریلمیشدی.



ایلگیلی‌لی خبرلر