علییئو: ایران‌دا یاشایان آذربایجان‌لی‌لارین مدافعه‌سی اوچون الیمیزدن گله‌نی ائدجییک
"بیز اونلاردان قورخمادیغیمیزی گؤسترمک اوچون ایران سرحدینده حربی مانور گئچیرمه‌لی اولدوق"
آذربایجان جمهورباشقانی ایلهام علییئو،
"ایران‌دا یاشایان آذربایجان‌لی‌لار داخیل دونیاداکی بوتون آذربایجان‌لیلاری قوروماق اوچون الیمیزدن گله‌نی ائده‌جییک. اونلار بیزیم خالقیمیزین بیر پارچاسیدیر" دئدی.
باشکند باکی‌داکی آدا اونیوئرسیه‌سینده «اورتا دهلیز بویو: ژئوسیاست، گوونلیک و اقتصاد" باشلیقلی اولوسلارآراسی کنفرانس تشکیل ائدیلدی.
کنفرانسا آمریکا، بلژیک، بولقاریستان، اینگیلتره، فرانسا، اسرائیل، سوئیس، ایتالیا، گورجوستان، کانادا، مصر، پاکیستان، لهستان، رومانی، روسیا و تورکیه‌دن اؤنده گلن دۆشونجه قورولوشلارینین لیدئرلری و نماینده‌لری قاتیلدی.
کنفرانسین آچیلیش دانیشماسینی ائدن آذربایجان جمهوریتی پرزیدنتی ایلهام علییئو، اؤلکه‌سینین اؤزللیکله بؤلگه اؤلکه‌لری ایله یاخشی ایلیشکیلرین قورولماسینا بؤیوک اؤنم وئردیگینی سؤیله‌دی.
ایرانلا ایلیشکیلره توخونن علییئو:
"ایرانین اوچ جمهورباشقانی ایله ایشلمیشه‌م: (محمد) خاتمی، (محمود) احمدی‌نژاد و (حسن) روحانی. بوتون بو ایللر عرضین‌ده ایندیکی کیمی بیر شئی اورتایا چیخمادی. هئچ واخت آذربایجانا قارشی کین و تهدید دولو آچیقلاما وئریلمه‌دی. ایران، بیر نئچه آی ایچینده سرحدیمیزده ایکی حربی مانور کئچیردی" ایفاده‌لرینی ایشلتدی.
علییئو، آذربایجانا قارشی هر جور آچیقلاما و ائیلمه هر زامان جاواب وئردیکلرینی و وئره‌جکلرینی وورغولایان بئله دئدی:
"اونا گؤره ده بیز اونلاردان قورخمادیغیمیزی گؤسترمک اوچون ایران سرحدینده حربی مانور گئچیرمه‌لی اولدوق. بیز حیات طرزیمیزین، آذربایجانین دونیوی انکیشافینی و بوتون دونیا آذربایجان‌لی‌لارینین، او جمله‌دن ایران‌دا یاشایان آذربایجان‌لی‌لارین مدافعه‌سی اوچون الیمیزدن گله‌نی ائدجییک. اونلار خالقیمیز بیر پارچاسیدیر".
ایلگیلی‌لی خبرلر
آذربایجان تورکیه-یه 34 نفرلیک هیئت گوندریب
آذربایجان تورکیه-یه طبی لوازیمات و 34 نفرلیک طبی هئیت اولان ایکی اوچاق گؤندریب
زلزله قازاقیستانی دا تیترتدی
۵،۴ بؤیوکلوگونده‌کی زلزله، اؤلکه‌نین گونئیینده‌کی آلماتی شهرینین ۶۲۸ کیلومتر باتیسیندا میدانا گلدی
