قازاخیستان پرزیدنت سئچکیلرینین نتیجهسی آچیقلاندی
قازاخیستانین حاضیرکی پرزیدنتی قاسم جؤمرد توکایئو نوامبرین 20-ده کئچیریلن پرزیدنت سئچکیلرینده 81،31 فایز سس توپلایاراق غالیب گلیب.
قازاخیستانین حاضیرکی پرزیدنتی قاسم جؤمرد توکایئو نوامبرین 20-ده کئچیریلن پرزیدنت سئچکیلرینده 81،31 فایز سس توپلایاراق غالیب گلیب.
کازینفورم آژانسی خبر وئریر کی، بو بارهده جمهوریتین مرکزی سئچکی کمیسیونونون صدری نورلان عبدیروو معلومات وئریب. اونون سؤزلرینه گؤره، قاسم جؤمرد توکایئوه 6 میلیون 456 مین 393 سئچیجی سس وئریب، بو دا سسوئرمهده ایشتیراک ائدنلرین 81،31 فایزینی تشکیل ائدیر.
قاسم جؤمرد توکایئوین آند ایچمه مراسیمی نوامبرین 26-نا تعیین اولونوب. قازاخیستانین مالیه ناظیری یرولان جاموبایئو آندایچمه مراسیمی اوچون بودجهدن علاوه پول آیریلمایاجاغینی بیلدیریب.
پرزیدنت سئچکیلرینده ایکینجی یئری 3،42 فایز سسله " اویل" (کند) پارتیاسینین نامیزدی جیقولی دایرابایئو، اوچونجو یئری 2،53 فایز سسله اقتصادچی میرام کاجیکن توتوب.
قئید ائدک کی، قازاخیستاندا کئچیریلن ارکن پرزیدنت سئچکیلرینده حاضیرکی دؤولت باشچیسی قاسم جؤمرد توکایئو ده داخیل اولماقلا، آلتی نامیزد موباریزه آپاریب. سسوئرمهده سئچیجی فعاللیغی 69،44 فایز تشکیل ائدیب.