8 نوامبر آذربایجانین ظفر گونودور

27 سپتامبر 2020-جی ایل سحر ساعات‌لاریندا ائرمنیستان سلاحلی قوه‌لری‌نین گئنیش میقیاس‌لی تخریبات تؤره‌ده‌رک جبهه بویو زونادا یئرلشن آذربایجان اوردوسونون مؤوضع لرینی و یاشاییش منطقه‌لرینی ایری چاپ‌لی سلاح‌لار و موختلیف چاپ‌لی توپچو قورغولاریندان‌ شدتلی آتشه توتماسی نتیجه‌سینده، ائرمنیستان اوردوسونون دؤیوش آکتیو‌لیگی‌نین قارشی‌سینی آلماق، سیویل اها‌لی‌نین تهلوکه‌سیزلیگینی تامین ائتمک مقصدیله آذربایجان اوردوسونون قوموتانلیغی طرفیندن قوشون‌لارین بوتون جبهه بویو سرعت‌لی عکس-هوجوم عملیاتی باشلاماسی باره‌ده قرار وئریلدی. قارشیدورما‌لار نتیجه‌سینده ائرمنیستاندا حربی وضعیت و عمومی سفربرلیک، آذربایجاندا ایسه حربی وضعیت، 28 سپتامبردا قیسمن سفربرلیک اعلان ائدیلدی. قارشیدورما‌لار قیسا مدتده سرعتله آلوولانمیش و ایکینجی قاراباغ محاربه‌سینه چئوریلدی.

ائرمنیستان ایله 44 گون داوام ائدن محاربه عرضینده 4 اوکتبردا جبراییل، 17 اوکتبردا فضولی، 20 اوکتبردا زنگیلان، 25 اوکتبردا قوبادلی و 8 نوامبردا شوشا شهری ایشغال‌دان آزاد ائدیلدی. موسکوادا ایمضا‌لانان موقاویله‌یه اساساً، نوامبرین 10-و باکی واختی ایله ساعات 01:00-دان اعتباراً داغلیق قاراباغ موناقیشه‌سی زوناسیندا آتشین و حربی عملیات‌لارین تام دایاندیریلماسی، 1 دسامبرادک ائرمنیستان قوه‌لری‌نین داغ‌لیق قاراباغین اطرافیندا ائرمنیستان نظارتینده‌کی آذربایجان اراضی‌لریندن چیخاریلماسی و ناخچیوان موختار جمهوریتی ایله آذربایجانین باتی رایون‌لارینی بیرلشدیرن یئنی نقلیات خط لرینین اینشاسی‌نین تامین ائدیلمه‌سی اعلان اولوندو.

2020-جی ایل نوامبرین 20-ده آغدام، نوامبرین 25-ده کلبجر، دسامبرین 1-ده لاچین رایون‌لاری آزاد ائدیلدی.

آذربایجان-دا ظفر گونونون تاسیس ائدیلمه‌سی حاقدا پرزیدنتین ایلک فرمانی دسامبرین 2-ده وئریلمیشدی. بو سرنجاما اساساً ظفر گونو هر ایل نوامبرین 10-دا کئچیریلمه‌لی ایدی. لاکین دسامبرین 3-ده نوامبرین 10-نون تورکیه-ده مصطفی کمال آتاتورکون آنیم گونو اولدوغونو نظره آلا‌راق، آذربایجان جمهوریتی‌نین پرزیدنتی جناب ایلهام الیئو ظفر گونونون تاریخی‌نین دییشدیریلمه‌سی باره‌ده قرار قبول ائتدی. شوشا شهری‌نین و اونون ایشغال‌دان آزاد ائدیلمه‌سی‌نین تاریخی اهمیتی نظره آلینا‌راق غلبه - ظفر گونو هر ایل نوامبرین 8-ده طنطعنه لی شکیلده قئید ائدیلمه‌سی قرارا آلیندی.