اردوغان و توکایئودن اورتاق بیلدیری

جمهورباشقانی رجب طیب اردوغان و قازاقیستان جمهورباشقانی قاسیم جؤمرت توکایئو ایکی اؤلکه آراسیندا دیپلوماتیک ایلیشکیلرین قورولماسینین ۳۰.جو ایلدؤنومو ایله باغلی اورتاق بیلدیری یاییملادی.

اردوغان و توکایئوین باشقانلیغی ایله دونن قازاقیستانین باشکندی آستاناداکی آکوردا جمهورباشقانلیغی ساراییندا گئچیریله‌ن گؤروشمه‌لردن سونرا تورکیه-قازاقیستان ایلیشکیلرینین قورولماسینین ۳۰.جو ایلدؤنومو ایله باغلی اورتاق بیلدیری یاییملاندی.

۱۶ بنددن اولوشان بیلدیرده ایکی اؤلکه آراسیندا بیر چوخ مقونودا اورتاق چالیشمالارین آرتیریلاجاغی بیلدیریلدی.

نقلیات ساحه‌سینده ترانس خزر مسیری و باکی-تیفلیس-قارس مسیرینین وئریملی ایستیفاده‌سی اوچون بیرگه چالیشمالارین گوجلندیریله‌جگی وورغولانان بیالدیریده ترورلا موباریزه‌یه ده آیرینتیلی شکیل‌ده توخونولاراق،

"ایکی اؤلکه‌نین میللی گوونلیگینه تهدید یارادان بوتون قورولوشلارا قارشی موباریزه‌نین گوجلندیریلمه‌سی قونوسوندا آنلاشما اولدو" ایفاده‌لرینه یئر وئریلدی.

بیلدیری‌ده ساوونما صنایعی، تحصیل، چئوره و اورمانچیلیق ساحه‌لرین‌ده بیرلیکده فعالیت ایمکانلارینین آرتیریلماسینا دایر آنلاشما الده ائدیلدیگی بیلدیریلرک، اولوسلارآراسی تشکیلاتلاردا قارشیلیقلی امکداشلیغین داوام ائتدیریله‌جگینه ده یئر وئریلدی.