قازاقیستان: گوونلیک آنلاشما‌سی هؤرگوتو ساواشا قاتیلمایاجاق

"روسیا-اوکراینا اختیلاف بؤلگه‌سینده کوللکتیو گوونلیک آنلاشماسی هؤرگوتونون ایشتیراکی مسئله‌سی گوند‌مده دئییل"

1887814
قازاقیستان: گوونلیک آنلاشما‌سی هؤرگوتو ساواشا قاتیلمایاجاق

قازاقیستان خاریجی ایشلر باخانلیغی سؤزچوسو آی‌بک سمادی‌یاروو، کوللکتیو گوونلیک آنلاشما‌سی هؤرگوتونه عضو اؤلکه‌لری حربی بیرلیکلرینین روسیا و اوکراینا آراسیندا گئدن ساواشا قاتیلماسینین سؤز قونوسو اولمادیغینی بیلدیردی .

سمادی‌یاروو، هفته‌لیک مطبوعات کنفرانسیندا وئردیگی آچیقلامادا، قازاقیستانین اولوسلارآراسی حقوق و بیرلشمیش میللتلر تشکیلاتینین پرینسیپلری چرچیوه‌سینده دؤولتلرین تورپاق بوتؤولویو، اگمنلیک برابرلیگی و باریش ایچینده یاشاماسینین طرفداری اولدوغونو وورغولادی.

کوللکتیو گوونلیک آنلاشما‌سی هؤرگوتونون وظیفه بؤلگه‌سینین هؤرگوته عضو اؤلکه‌لرین اولوسلارآراسی ساحه‌ده تانینمیش سرحدلری ایچریسینی احتیوا ائتدیگینه ایشاره ائدن سمادی‌یاروو،

"کوللکتیو گوونلیک یالنیز بو سرحدلر اوچون گئچرلیدیر. اونا گؤره ده روسیا-اوکراینا اختیلاف بؤلگه‌سینده کوللکتیو گوونلیک آنلاشماسی هؤرگوتونون ایشتیراکی مسئله‌سی گوند‌مده دئییل" ایفاده‌سینی ایشلتدی.

بو آرادا قازاقیستان‌دا کوللکتیو گوونلیک آنلاشماسی هؤرگوتونه عضو دؤولتلرین عاجیل عملیات بؤلمه‌لرینین مانورلاری داوام ائدیر.

قازاقیستان ساوونما باخانلیغیندان وئریله‌ن یازیلی آچیقلامادا، ۳ اکتبردان اعتباراً مانورلاردا آکتیو مرحله‌یه گئچیلدیگی و ۷ اکتبرا دک داوام ائدجگی بیلگیسی پایلاشیلدی.



ایلگیلی‌لی خبرلر