اردوغان، دونیا کؤچری اویونلارینین آچیلیش مراسیمینده دانیشدی

جمهورباشقانی رجب طیب اردوغان،

"اینسانلیغین مینلرجه ایلینه دامغا ووران کؤچری مدنیتینین یوخ اولماسینا راضی اولابیلمریک" دئدی.

جمهورباشقانی اردوغان ایزنیک‌ده گئچیریله‌ن دونیا کؤچری اویونلارینین آچیلیش مراسیمینه قاتیلدی.

کؤچری اویونلارینین ایلکینین ۲۰۱۴ده، ۲۰۱۶ و ۲۰۱۸.جی ایللرده ده یئنه قیرقیزیستانین ائو صاحب‌لیگینده گئرچکلشدیگینی سؤیله‌ین اردوغان، یئنی نسیل کوروناویروس سالقینی سببی ایله ۲۰۲۰.جی ایلده ائرته‌لنن اویونلارین دؤردونجوسونون، "هر طرفی تاریخ، کۆلتور و طبیعت اولان ایزنیکده" باشلادیغینی سؤیله‌دی.

کؤچری مدنیتینین اینسانلیق تاریخی قدر قاسکی اولدوغونا دقت چکه‌ن اردوغان بئله دانیشدی:

"اینسان توپلولوقلاری مین ایللردیر موختلیف سببلردن اؤز یئرلرینی ترک ائد‌رک باشقا جغرافیالاردا یئنی یاشاییش یئرلری آختاردیلار. عینی شکیلده، معین بیر جغرافیادا داواملی و یا فصیللره گؤره یئرلرینی دییشدیره‌رک حیاتلارینی داوام ائتدیره‌ن توپلوملار وار. بو اوزون یولچولوقلار زامانی قارشیلاشان اینسان توپلولوقلاری بیر بیرلرینه تأثیر ائتمیشلر. هر نه قدر مئدیا و ارتباط آراجلاری دونیانی کیچیک بیر کند حالینا گتیرمیش اولسا دا، بو گون هله ده مدنیتین و اینسان ایلیشکیلرینین ان تأثیرلی داشیییجی‌سی کؤچریلردیر".