آذربایجان: لاچین تورپاقلاریندا باسدیریلان مینلر تمیزله‌نیر
"لاچین بؤلگه‌سینده آپاریلان مین تمیزله‌مه فعالیتلری نتیجه‌سینده ۱۸ سپتامبردا بؤیوک ایشیقلی داغین قوزئی دوغو بؤلومونده‌کی دره بوشلوغوندا ارمنیستاندا اۆره‌تیلن ۱۲۲ عدد پرسنل مین چیخاریلدی"
آذربایجان ساوونما باخانلیغی لاچین تورپاقلاریندا تخریبات آماجلی باسدیریلمیش مینلرین اولدوغونو آچیقلادی.
ارمنیستان سلاحلی گۆجلرینین گئنیش میقیاسلی تخریباتی سیراسیندا تخریبات قروپلارینین مینله‌دیگی ساحه‌لر و گۆونلیک یوللاری آذربایجان اوردوسو طرفیندن تمیزله‌نیر.
آذربایجان ساوونما باخانلیغی، ارمنی گۆجلرینین دؤشه‌دیگی مینلرله باغلی بیر آچیقلاما پایلاشدی.
آچیقلامادا، آشاغی‌داکی بیلگیلر یئر آلدی:
"لاچین بؤلگه‌سینده آپاریلان مین تمیزله‌مه فعالیتلری نتیجه‌سینده ۱۸ سپتامبردا بؤیوک ایشیقلی داغین قوزئی دوغو بؤلومونده‌کی دره بوشلوغوندا ارمنیستاندا اۆره‌تیلن ۱۲۲ عدد پرسنل مین چیخاریلدی. مینلر گۆونلیک قایدالارینا اویغون اولاراق داشیناراق ضررسیزلشدیریلدی. قورتاریلان بؤلگه‌لریمیزده مهندسلیک دستگی اوچون ضروری تدبیرلر داوام ائتدیریلیر".
آذربایجان ساوونما باخانلیغی، ۱۲ سپتامبر گئجه‌سی و ۱۳سپتامبر سحری ارمنیستان اوردوسونون سرحدین داشکسن، کلبجر، لاچین و زنگیلان ایستیقامتلرینده گئنیش میقیاسلی تخریبات تؤرتدیگینی آچیقلامیشدی.
