تورکیه: قیبریس-دا یگانه حل یولو ایکی دؤولت‌لی قورولوش‌دور

میللی ساوونما ناظیرلیگی قیبریس-دایگانه حل یولونون ایکی دؤولت‌لی بیر قورولوش اولا‌راق گؤرولمه‌سی لازیم اولدوغونو بیلدیریب.

1868049
تورکیه: قیبریس-دا یگانه حل یولو ایکی دؤولت‌لی قورولوش‌دور

میللی ساوونما ناظیرلیگی قیبریس-دایگانه حل یولونون ایکی دؤولت‌لی بیر قورولوش اولا‌راق گؤرولمه‌سی لازیم اولدوغونو بیلدیریب.

میللی ساوونما ناظیرلیگیندن وئریلن یازیلی آچیقلامادا یونان ترور تشکیلاتی ائوکا-نین 1958-جی ایلدن سیستم‌لی شکیلده قیبریس تورک‌لرینه هوجوم‌لارا باشلادیغی خاطیرلادیلا‌راق،"بو هوجوم‌لار زامان کئچدیکجه تورک‌لره قارشی ایشگنجه و آمان‌سیز قتل‌لرله سوی قیریما چئوریلدی" دئییلیب.

23 دسامبر 1963-جو ایلده قیبریس-دا تورک‌لرین بوتون دونیانین گؤزو قارشی‌سیندا وحشیجه‌سینه و آمان‌سیزجاسینا قتله یئتیریلمه‌سی‌نین "قانلی نوئل" اولا‌راق یادداش‌لارا حک اولوندوغونا دقت چکیلن آچیقلامادا بو ایفاده‌لر یئر آلیب:

"ترورچولار و اونلارین قورخاق دستکچی‌لری اوشاق، قادین، قوجا فرقی اولما‌دان سویداش‌لاریمیزی محو ائتمک اوچون اوزون مدت هوجوم‌لارینی داوام ائتدیردی‌لر. قهرمان تورک سلاحلی قوه‌لری بو ظلمه سون قویماق اوچون 1974-جو ایلین جولای آییندا حرکته کئچدی. هم تورک‌لرین، هم ده روم‌لارین تهلوکه‌سیزلیگی ضامین اؤلکه اولما حقوق‌لاری چرچیوه‌سینده 48 ایل اول حیاتا کئچیریلن قیبریس باریش حرکاتیندا تامین ائدیلدی. قیبریس باریش حرکاتینی ایشغال آدلاندیران‌لار تاریخی فاکت‌لاری گؤرمه‌مزلیکدن گلمک و دونیانین 1958-1974-جو ایللر آراسیندا باش وئرن قیرغین‌لاری گؤرمه‌سینه مانع اولماغا جهد ائدن‌لردیر".

آچیقلامادا باریش حرکاتیندان سونرا آدادا بیر نفر ده اولسون جان ایتکی‌سی‌نین اولمادیغی، آدایا باریش، امین-آمان‌لیق و تهلوکه‌سیزلیگین گلدیگی وورغولانیب:

"قیبریس-دا یگانه حل یولو ایکی دؤولت‌لی قورولوش‌دور. قیبریس‌-لی تورک قارداش‌لاریمیزین حاق ایشینده هر زامان یانیندا اولماغا داوام ائدجییک!".



ایلگیلی‌لی خبرلر