جیحون بایراموودان تورکیه یورومو

بایراموو، تورکیه‌لی دیپلوماتلارین، آذربایجانین چیخارلارینی، آذربایجانلی دیپلوماتلارین تورکیه‌نین چیخارلارینی اؤز دؤولتلرینین چیخارلاری کیمی قورودوغونو سؤیله‌دی

1865378
جیحون بایراموودان تورکیه یورومو

آذربایجانین خاریجی ایشلر باخانی جیحون بایراموو، تورک دیپلوماسیسینین اوغورلاری ایله تورکیه‌نین اولوسلارآراسی آکتور اولاراق رولونو گوندن گونه آرتیردیغینی بیلدیردی.

آذربایجانین خاریجی ایشلر باخانی بایراموو، دونن باشکند آنکارادا ۱۳.جو ائلچیلر کنفرانسیندا دانیشدی.

بایراموو، ایکیلی ایلیشکیلرین؛ تورکیه‌لی دیپلوماتلارین، آذربایجانین چیخارلارینی، آذربایجانلی دیپلوماتلارین تورکیه‌نین چیخارلارینی موختلیف اولوسلارآراسی پلتفورملاردا اؤز دؤولتلرینین چیخارلاری کیمی قورودوغو، تشویق ائتدیگی سویه‌یه چاتدیغینی سؤیله‌دی.

اولوسلارآراسی سیستمده، سون ۳۰ ایلده سرعتلی و جدی دییشیکلیکلر اولدوغونا دقت چکن بایراموو، بوتون بو گلیشمه‌لرین اصلینده اولوسلارآراسی سیستمده‌کی چالخانتیلاری و ناراضیلیقلاری گؤستردیگینی ایفاده ائتدی.

تورکیه‌نین فعالیتلرینین، اولوسلارآراسی عدالتین قورولماسیندا بوگون بوتون دونیایا اؤرنک اولدوغونو وورغولایان بایراموو، ۵۰۰ ایللیک بیر میراثا صاحیب اولان تورک دیپلوماسیسینین اوغورلارینین، تورکیه‌نین اولوسلارآراسی آکتور اولاراق رولونو گوندن گونه آرتیردیغینی دیله گتیردی.

بایراموو، تورکییه‌نین دونیانین بیر چوخ یئرین‌ده گوونلی بیر آراچی اولاراق سورونلاری حل ائتمه‌یه دعوت ائدیلدیگینی قید ائدرک، تورکیه‌نین سوریه، لیبی و اوکراینا بحرانلاریندا اولوسلارآراسی حقوق و اینسانی دگرلری مرکزه قویدوغونو و بونون دا تورک دیپلماسینسینین اؤن‌گؤروسونو، درینلیگینی، اینسان و عدالتی هر زامان اوستون توتان یؤنونو گؤستردیگینی بیلدیردی.

آذربایجانین خاریجی ایشلر باخانی، تورکیه‌نین آذربایجانا تورپاقلارینی ارمنی ایشغالین‌ان قورتاردیغی دؤنمده وئردیگی سیاسی و دیپلوماتیک دستکله دوغرونون، حاقین و عدالتین یانیندا دیک دوران بیر اؤلکه اولاراق تاریخده یئرینی آلدیغینی بیلدیردی.



ایلگیلی‌لی خبرلر