آذربایجان: بوتون مسئولیت ائرمنیستانین سیاسی و حربی رهبرلیگی‌نین اوزرینه دوشور

آذربایجان خاریجی ایشلر ناظیرلیگی‌نین مطبوعات خیدمتی ایداره‌سیندن بیلدیریب‌لر کی...

1863271
آذربایجان: بوتون مسئولیت ائرمنیستانین سیاسی و حربی رهبرلیگی‌نین اوزرینه دوشور

آذربایجان ساوونما ناظیرلیگی طرفیندن معلومات وئریلدیگی کیمی، آوقوستون 3-ده روسیا عنصورلارینین موقتی یئرلشدیگی آذربایجان اراضی‌سینده‌کی غیری-قانونی ائرمنی سلاح‌لی دسته‌لری‌نین عضو‌لری طرفیندن لاچین رایونو ایستیقامتینده آذربایجان اوردوسونون بؤلمه‌لری‌نین موضع لری شدتلی آتشه توتولوب. نتیجه‌ده حربی قوللوقچو عسگر کاظیموو آنار روستم اوغلو شهید اولوب.

آذربایجان خاریجی ایشلر ناظیرلیگی‌نین مطبوعات خیدمتی ایداره‌سیندن بیلدیریب‌لر کی، آذربایجان طرفی ائرمنیستانین 2020-جی ایل 10 نوامبر تاریخ‌لی اوچ طرف‌لی بیاناتلا اوزرینه گؤتوردوگو عهده ‌لیک‌لری یئرینه یئتیرمه‌دیگینی و قانون‌سوز ائرمنی سلاح‌لی دسته‌لری‌نین هله ده آذربایجان اراضی‌سیندن چیخاریلمادیغینی دفعه‌لرله بیان ائدیب. آوقوستون 3-ده باش وئرمیش قان‌لی حادثه بیر داها ائرمنیستانین اوچ طرف‌لی راضیلاشمانی کوبود شکیلده پوزدوغونو، عینی زاماندا، ایکی دؤولت آراسیندا موناسیبت‌لرین نورماللاشدیریلماسی ایستیقامتینده سعی‌لره خلل گتیردیگینی نوماییش ائتدیریر. بو، همچنین ائرمنیستانین اولوسلار آراسی واسیطه‌چی‌لرین سعی‌لرینه حؤرمت‌سیزلیگی‌نین گؤستریجی‌سی‌دیر.

آذربایجان اراضی‌سینده باش وئرن حادثه‌نین بوتون مسئولیتی قونشو دؤولتین تورپاق‌لاریندا قانون‌سوز سلاح‌لی بیرلشمه‌لرینی هله ده چیخارمایان ائرمنیستانین سیاسی و حربی رهبرلیگی‌نین اوزرینه دوشور.

آذربایجان اراضی‌لری‌نین تهلوکه‌سیزلیگی، سرحدلری‌نین بوتؤو‌لوگونون تامین ائدیلمه‌سی اوچون طرفیمیزدن بوتون مووافیق تدبیرلر بون‌دان سونرا دا داوام ائتدیریله‌جک.

الله شهیدیمیزه رحمت ائله‌سین!



ایلگیلی‌لی خبرلر