"آذربایجان-تۆرکیه-قازاقیستان آراسیندا تاریخی گؤروشمه اولدو"

باکی‌دا، آذربایجان، تۆرکیه و قازاقیستان خاریجی ایشلر باخانلاری و نقلیات باخانلارینین بیرینجی اوچلو گؤروشمه‌سی گئرچکلشدی.

گؤروشمه‌لردن سونرا گئچیریله‌ن مطبوعات توپلانتیسیندا، تۆرکیه‌نین خاریجی ایشلر باخانی مؤولود چاووش‌اوغلو، "بو گون آذربایجان-تۆرکیه-قازاقیستان آراسیندا تاریخی گؤروشمه باش توتدو" دئدی.

چاووش‌اوغلو، توپلانتینین چوخ اوغورلو گئچدیگینی بیلدیررک، "آذربایجان اوردوسونو سلاحلی قوه‌لر گونو موناسیبتی ایله ده تبریک ائدیره‌م. آذربایجان اوردوسو ۴۴ گونلوک وطن ساواشیندا گوجونو گؤستردی" دئیه دانیشدی.

باخان عینی زاماندا، آذربایجان-تۆرکیه-قازاقیستان آراسینداکی ایلیشکیلره توخوناراق،

"تورک دؤولتلری تشکیلاتی رهبرلیگی آلتیندا بیز اولوسلارآراسی پلتفورملاردا دا امکداشلیق ائدیریک. قارداشلاریملا چوخ تئز تئز گؤروشوروک. پتانسیلیمیزی آرتیرمالیییق. تاناپ، باکی-تیفلیس-قارس کیمی پروژه‌لر بؤلگه‌میزده دییشیکلیکلره سبب اولدو. بیز بونلاری جان آذربایجانلا بیرگه حیاتا گئچیرمیشیک. ایندی اورتا دهلیزین اینکیشافینا احتیاج وار. خزردن گئچیشلر چوخ بؤیوک اؤنم داشیییر. آلت‌یاپی و ارتباطی باغلاریمیزی گلیشدیرمه‌لیییک" دئدی.

خاریجی ایشلر باخانی مؤولود چاووش‌اوغلو روسیا-اوکراینا ساواشی سببی ایله تاخیل یوکلو گمیلرین لیمانلاری ترک ائده‌بیلمه‌مه‌سی ایله باغلی ایسه،

 بیرلشمیش میللتلر تشکیلاتی ایله پروبلئمی حل ائتمک اوچون بؤیوک چابالار گؤستریریک. بو بحراندا گوونلی نقلیات خطلرینین نه قدر اؤنملی اولدوغونو بیر داها گؤردوک" ایفاده‌سینی ایشلتدی.