علییئو لاوروو قبول ائتدی

آذربایجان جمهورباشقانی ایلهام علییئو، ارمنیستانلا ایمضالانان  نوامبر ۲۰۲۰ بیلدیرگه‌سینین حیاتا گئچیریلمه‌سی اوچون آددیملار آتیلماسینی گؤزله‌دیکلرینی بیلدیررک،

"باریش آنلاشماسی تکلیفیمیز جاوابسیز قالدی آنجاق یئنه ده بو تکلیفین قبول ائدیله‌جگینی اومود ائدیریک" دئدی.

علییئو، باشکند باکییا سفر ائد‌ن روسیانین خاریجی ایشلر باخانی سرگئی لاورووو قبول ائتدی.

گؤروشمه‌ده، بو ایلین اولینده آذربایجان و روسیا آراسیندا ایمضالانان متفیقلیک تعامل بیلدیرگه‌سینی خاطیرلادان علییئو،

"ایلیشکیلریمیزین گلیشیمی اوچون بو کلید سندین اوزون مدت‌لی، چوخ وئریملی امکداشلیغین گؤزل بیر نتیجه‌سی اولدوغونا اینانیرام" دئدی.

آذربایجانلا ارمنیستان آراسینداکی ایلیشکیلرین نورماللاشما پروسه‌سینده اؤلکه‌سینین توتومونون بللی اولدوغونو قید ائد‌ن علییئو،

"بو توتوم، بؤلگه‌ده اوزون مدتلی باریشین قورولماسینی هدفله‌ییر. چابالاریمیزین ارمنیستان طرفیندن اولوملو قارشیلاناجاغیندان و چوخ طرفلی چاتیشمانین سونا چاتاجاغیندان آرخایینام. بیر باریش آنلاشماسی اۆزرینده ایشه باشلاما تکلیفیمیز جاوابسیز قالدی آنجاق یئته ده بو تکلیفین قبول ائدیله‌جگینی اومود ائدیریک" ایفاده‌لرینی ایشلتدی.

روسیا، آذربایجان و ارمنیستان باشباخان یاردیمچیلارینین باشقانلیق ائتدیگی اوچلو چالیشما قروپون چالیشمالارینین آرتماسینی مثبت دگرلندیرن علییئو،

"روسیا فدراسیونونون قافقازدا قالیجی باریشین برقرار اولماسی اوچون فعال چابالارینی اومود ائدیریک" دئدی.

روسیا خاریجی ایشلر باخانی لاوروو، ایکی اؤلکه آراسیندا ایمضالانان متفیقلیک تعامل بیلدیرگه‌سینین و دیگر آنلاشمالارین حیاتا گئچیریلمه‌سی اوچون ایکی جمهورباشقانینین گؤستریشلرینه عمل ائتمه عزمینده اولدوقلارینی بیلدیردی.