قازاقیستان جمهورباشقانی توکایئو، خامنه‌ای ایله گؤروشدو

توکایئو، خامنه‌ای‌نین ایسلام فیلوسوفو فارابی ایله باغلی علمی کمیته یاراتماق تکلیفینی سئوینجله قارشیلادیغینی ایفاده ائتدی

1845703
قازاقیستان جمهورباشقانی توکایئو، خامنه‌ای ایله گؤروشدو

ایرانا رسمی سفر ائدن قازاقیستان جمهورباشقانی قاسیم جؤمرت توکایئو و یانینداکی هیئت، ایرانین دینی لیدئری علی خامنه‌ای ایله گؤروشدو.

ایرانین رسمی آژانسی ایرنانین آچیقلاماسینا گؤره، تهران‌دا گئچیریله‌ن گؤروشمه‌ده خامنه‌ای و توکایئو، ایکی اؤلکه ایلیشکیلرینی و بؤلگه‌سل مسئله‌لری موذاکیره ائتدی. گؤروشمه‌ده جمهورباشقانی ابراهیم رئیسی ده ایشتیراک ائتدی.

ایران و قازاقیستان آراسینداکی تاریخی و مد‌نی باغلارا دقت چکه‌ن خامنه‌ای، ایکی اؤلکه آراسینداکی امکداشلیغین اؤزللیکله بؤلگه‌سل اولاراق موختلیف ساحه‌لرده، داها دا گلیشدیریلمه‌سی لازیم اولدوغونو بیلدیردی.

خامنه‌ای، سیاسی و اقتصادی مسئله‌لرده ایلیشکیلری گلیشدیرمک اوچون ال بیرلیگی چاغریسی ائدرک، اورتاق بیر کمیسیونون حرکته گئچیریلمه‌سی ضرورتینی وورغولادی.

روسیانین ۲۴ فوریه‌ده ساواش باشلاتدیغی اوکراینا مسئله‌سینه ده توخونان علی خامنه‌ای، بو قونودا‌کی اساس مسئله‌نین، باتیلیلارین ناتونو گئنیشله‌تمه‌یه و مومکون اولان هر یئرده تاثیرلرینی آرتیرماغا چالیشماسی‌ اولدوغونو سؤیله‌دی.

قازاقیستان جمهورباشقانی توکایئو ایسه رئیسی ایله چوخ یاخشی دانیشیقلار آپاردیغینی و ایکی طرفین ایمضالادیغی سندلرین ایران و قازاقیستان آراسینداکی ایلیشکیلرین داها دا گلیشدیریلمه‌سینه زمین یارادابیله‌جگینی بیلدیردی.

ایران و قازاقیستان آراسینداکی تاریخی و مدنی بنزرلیکلره توخونان توکایئو، خامنه‌ای‌نین ایسلام فیلوسوفو فارابی ایله باغلی علمی کمیته یاراتماق تکلیفینی سئوینجله قارشیلادیغینی ایفاده ائتدی.

توکایئو، بؤلگه‌سل مسئله‌لره ده توخوناراق ژانویه آیینداکی باشاریسیز چئوریلیش گیریشیمیندن سونرا اؤلکه‌سینین وضعیتی حاقیندا بیلگی وئردی.

قازاقیستان جمهورباشقانی توکایئو، دۆنن ایران جمهورباشقانی رئیسی ایله ده گؤروشموش، داها سونرا ایکی اؤلکه‌نین باخانلاری، موختلیف ساحه‌لرده ۹ آنلاشما مموراندومو امضالامیشدی.



ایلگیلی‌لی خبرلر