علییئو، ارمنیستانی اویاردی
"ارمنیستان حکومتی، ۲.جی قاراباغ ساواشینین درسلرینی اونوتمامالی، بو درسلری یاخشی اؤیره‌نمه‌لی و آذربایجانا قارشی هر هانسی بیر تورپاق ادعاسیندان قاچینمالیدیر"
آذربایجان جمهورباشقانی ایلهام علییئو، ارمنیستانین آذربایجانین تورپاق بۆتونلوگونو سورغولاماغا داوام ائتمه‌سی حالیندا، عینی شکیل‌ه جاواب وئره‌جکلرینی ایفاده ائتدی.
ایلهام علییئو، باشکند باکی‌دا نظامی گنجوی اولوسلارآراسی مرکزی طرفیندن تشکیل ائدیله‌ن ۹.جو کۆره‌سل باکی فورومونون آچیلیشیندا دانیشدی.
ارمنیستانین قاراباغ قونوسوندا طلبلرینه توخونان علییئو، آذربایجان‌دا "داغلیق قاراباغ" آدین‌دا بیر اداری بیریم اولمادیغینی خاطیرلاداراق، ارمنی طرفیندن بو مؤوضویا ائدیله‌جک هر هانسی بیر گؤندرمه‌نین یئنی چاتیشمایا یول آچاجاغی اویاریسینی ائتدی.
علییئو، ارمنیستان‌دان داغلیق قاراباغین ایستاتوسونا دایر بعضی بیانلار ائشیتمه‌یه باشلادیقلارینی ایفاده ائد‌رک، بونون "فایداسیز و ارمنیستان اوچون تهلوکه‌لی بیر یاناشما" اولدوغونو وورغولادی.
داغلیق قاراباغ اؤزارک ویلایتینین ۱۹۹۱ده آذربایجان پارلمانینین قرارییلا لغو ائدیلدیگینی خاطیرلادان علییئو،
"ارمنیستان حکومتی بونو آنلامالی و تاریخی یئنی‌دن یازماغا چالیشماقدان واز گئچمه‌لی‌دیر. ارمنیستان، آذربایجانین تورپاق بۆتونلوگونو سورغولاماغا داوام ائتسه، آذربایجانین باشقا یولو قالمایاجاق و ارمنیستانین تورپاق بۆتونلوگونو سورغولایاجاق" دئدی.
ارمنیستانین تورپاق بۆتونلوگونو سورغولاماغا تاریخی اولاراق دا حاقلارینین اولدوغونو ایفاده ائد‌ن آذربایجان لیدئری بونلاری قید ائتدی:
"سون عصرین تاریخی، سووئت حکومتینین ۱۹۲۰ده آذربایجانین تاریخی بؤلگه‌سی اولان زنگه‌زورو قوپاراراق ارمنیستانا وئردیگینی آچیقجا گؤستریر. بو سببله، ارمنیستان قاراباغ‌داکی ارمنیلر اوچون ایستاتو طلب ائدیرسه، آذربایجان نیه باتی زنگه‌زورلو آذربایجانلیلار اوچون ایستاتو طلب ائتمه‌سین.
چونکو اورانین هامیسیندا آذربایجانلیلار یاشاییردی. بو مؤوضوع بیر چیخمازا سبب اولابیلر. ارمنیستان حکومتی، ۲.جی قاراباغ ساواشینین درسلرینی اونوتمامالی، بو درسلری یاخشی اؤیره‌نمه‌لی و آذربایجانا قارشی هر هانسی بیر تورپاق ادعاسیندان قاچینمالیدیر".
قاراباغ پروبلئمینین حلی اوچون قورولان، آمریکا، روسیا و فرانسانین ائش باشقانلیغینی ایجرا ائتدیگی آوروپا گۆونلیک و امکداشلیق تشکیلاتی مینسک قروپونون فعالیتلرینه ده توخونان علییئو،
"مینسک قروپو ۲۸ ایلده هئچ بیر نتیجه الده ائتمه‌دی. آذربایجان قاراباغ پروبلئمینی حل ائتدیگی اوچون مینسک قروپونا دا گرک قالمادی. روسیا-اوکراینا ساواشیندان سونرا، مینسک قروپو ائش باشقانلارینین بیر آرایا گلمه‌سینین مومکون اولمادیغینی هر کس آنلاییر. مینسک قروپونون ائش باشقانلیق قورومونون فعالیت گؤسترمه‌یه‌جگینه باغلی بعضی مئساژلار آلدیق. آرتیق امکلی اولما زامانلاری گلدی" شکلینده دانیشدی.
ایلگیلی‌لی خبرلر
تورکیه-آذربایجان بیلیم‌یوردو قورولور
جمهورباشقانی علییئو، "تورکیه-آذربایجان بیلیم‌یوردونون قورولماسینا باغلی آنلاشما متنی"نه اونای وئردی
