خامنهای: ایران ایله تورکمنیستان آراسیندا دوستجا ایلیشکیلره قارشی اولانلار وار
"طبیعی کی، بؤلگهده و دونیادا ایران و تورکمنیستان آراسینداکی دوستجا ایلیشکیلره قارشی اولانلار وار آنجاق بوتون بونلارا باخمایاراق، مانعلر آرادان قالدیریلماسی لازیم"
ایران لیدئری علی خامنهای، اؤلکهسی ایله تورکمنیستان آراسیندا دوستجا ایلیشکیلره قارشی اولانلارین اولدوغونو، آنجاق بوتون بو مانعلره باخمایاراق، انگلین آشیلماسی لازیم اولدوغونو سؤیلهدی.
ایرانین یاری رسمی مهر خبر آژانسینا گؤره، خامنهای، رسمی سفر اوچون تهراندا اولان تورکمنیستان دؤولت باشقانی سردار بردیمحمدوو ایله گؤروشدو.
گؤروشمهده ایران جمهورباشقانی ابراهیم رئیسی ده ایشتیراک ائتدی.
خامنهای، ایران-تورکمنیستان ایلیشکیلرینین گلیشدیریلمهسینین هر ایکی اؤلکهنین ده فایداسینا اولدوغونو بیلدیررک،
"ایران قونشو اؤلکهلرله ایلیشکیلری گلیشدیرمک ایستهییر و بو دوغرو بیر سیاستدیر" دئدی.
ایکیلی ایلیشکیلرده مانعلرین آرادان قالدیریلماسینین هر ایکی اؤلکهنین ده بو قونوداکی عزمیندن آسیلی اولدوغونو قید ائدن خامنهای،
"طبیعی کی، بؤلگهده و دونیادا ایران و تورکمنیستان آراسینداکی دوستجا ایلیشکیلره قارشی اولانلار وار آنجاق بوتون بونلارا باخمایاراق، مانعلر آرادان قالدیریلماسی لازیم" ایفادهسینی ایشلتدی.
خامنهای، ایران و تورکمنیستان آراسیندا ایمضالانان آنلاشمالارین اؤنمینه توخوناراق،
"ایکی اؤلکه آراسینداکی مشترک کمیسیونلار جدی فعالیت گؤسترمهلی و ایمضالانان آنلاشمالار داواملی تعقیب ائدیلهرک سونوجلاندیریلمالیدیر" دئدی.
تورکمنیستان درولت باشقانی بردیمحمدوو دا قونشو اؤلکهلرله ایلیشکیلرین اؤنجهلیکلری آراسیندا اولدوغونو ایفاده ائدرک،
"ایمضالانان آنلاشمالار چرچیوهسینده باشدا طبیعی گاز، الکتریک و ترانزیت اولماق اۆزره مختلیف ساحهلرده صاحب اولدوغومور یاخشی ایلیشکیلرین سرعت قازانماسینی و
عینی زاماندا بؤیوک پروژهلرین گئرچکلشمهسینی ایستهییریک" دئدی.
ایکی گونلوک رسمی گؤروشمهلر اوچون ایراندا اولان تورکمنیستان دؤولت باشقانی بردیمحمدوو و ایران جمهورباشقانی رئیسینین دونن تهراندا ائتدیگی گؤروشمهدن سونرا ایکی اؤلکه آراسیندا ۹ آنلاشما، امکداشلیق پروتوکولو و آنلاشما مموراندومو ایمضالاندی.