چنگیز آیتماتوو مزاری باشیندا آنیلدی

مشهور قیرقیز یازیچی‌سی چنگیز آیتماتوو اؤلومونون ۱۴.جو ایلینده قیرقیزیستانین باشکندی بیشکئک‌ده مزاری باشیندا آنیلدی.

میللی بیلیملر آکادمیسینین عضولری، مسلکداشلاری و سئونلری آیتماتووون آتا-بئیت اولوسال تاریخ و آنید مجتمعینده‌کی مزاری اوزرینه گۆل قویوب دعا ائتدی.

قبری اۆسته، یازیچینین اوغلو عسکر، قیزی شیرین، کیچیک اوغلو ائلدار و حیات یولداشی صابیرا ده وار ایدی.

میللی بیلیملر آکادمیسینین عضولری، قبر اۆسته گلنلره یازیچی ایله باغلی خاطره‌لرینی دانیشدی.

آکادمینین چالیشانلاری و اؤیرنجیلر، یازیچینین اثرلریندن نمونه‌لر اوخودو.

مزاری باشیندا کوموز (قوپوز) ایله بیرلیکده یازیچینین اثرلرین‌دن ایلهاملاناراق نقاشی چکمه تدبیری تشکیل ائدیلدی.

آیتماتووون عائله‌سی مزار باشینا گلنلره تشکور ائتدی.

شیرین آیتماتووا آچیقلاماسین‌دا،

 "دوز ۱۴ ایل گئچیر. بو گون آتامیزین اثرلری ایله فخر ائدیریک. بیر اوخوجو کیمی آتام بو گونلرده دونیانین احتیاج دویدوغو هومانیزمین و عاغلین سسیدیر" دئدی.

تالاس بؤلگه‌سینین شکر کندین‌ده ۱۲ دسامبر ۱۹۲۸ده آنادان اولان چنگیز آیتماتوو، معالیجه اوچون آپاریلدیغی آلمانیادا ۱۰ ژوئن ۲۰۰۸ده وفات ائتمیشدی.