قوزیی قیبریس تورک جمهوریتی قیبریس روم طرفینه رئاکسیا وئریب

قوزیی قیبریس تورک جمهوریتی قیبریس روم طرفی‌نین سؤز حاقی اولماسا دا قوزیی قیبریس تورک جمهوریتی ایله تورکیه آراسینداکی موناسیبت‌لره دایر قیبریس تورک خالقی آدیندان دانیشا‌راق لاقئید موضعی اورتایا قویدوغونو بیلدیریب.

قوزیی قیبریس تورک جمهوریتی خاریجی ایشلر ناظیرلیگیندن وئریلن یازیلی آچیقلامادا روم طرفی و ایسراییل-ین تشکیل ائتدیگی "Agapinor 2022" حربی تعلیمی ایله باغلی فیکیرلرین توپلوم ایله پایلاشیلدیغی خاطیرلادیلا‌راق، بوندان سونرا قوزیی قیبریس تورک جمهوریتی خاریجی ایشلر ناظیرلیگی‌نین آچیقلاماسی‌نین تورکیه خاریجی ایشلر ناظیرلیگی طرفیندن ده دستکلندیگی قئید اولونوب.

آچیقلامادا "قیبریس روم خاریجی ایشلر ناظیرلیگی طرفیندن مؤوضوع یا دایر وئریلن بیانات و تورکیه-نی هدف آلان یازی‌لی مطبوعات بیاناتیندا حدیندن آرتیق ایفاده‌لر یئر آلیب. قیبریس روم طرفی‌نین قیبریس تورک خالقی آدیندان دانیشماق حقوقو اولماسا دا، دؤولتیمیزله تورکیه آراسینداکی موناسیبت‌لره دایر قیبریس تورک خالقی آدیندان دانیشماسی لاقئیدلیک‌دیر. قیبریس روم طرفی‌نین بیاناتی آنا وطن تورکیه ایله قوزیی قیبریس تورک جمهوریتی آراسینداکی سارسیلماز موناسیبت‌لری پوزا بیلمه‌یه‌جگینه دایر کؤهنلمیش بیر آنلاییشا صاحیب اولدوغونو گؤستریر" ایفاده‌لری یئر آلیب.

آچیقلامادا سرحد بویو یوزلرله آغیر سلاح یئرلشدیریلمه‌سی قیبریس روم پراووسلاو کیلسه‌سی‌نین کشیش‌لرینه سلاح تعلیمی وئریلمه‌سی، رادار سیستمی‌نین تامین ائدیلمه‌سی، بیر چوخ اؤلکه ایله حربی تعلیم‌لرین کئچیریلمه‌سی، ایکی  طرف‌لی حربی امکداش‌لیق موقاویله‌لری‌نین ایمضالانماسی و قیبریس تورک خالقی‌نین حقوق‌لارینی پوزان تک طرف‌لی فعالیت‌لر مشغول اولماق کیمی آددیم‌لارین قیبریس روم طرفی‌نین "صمیمی‌سیزلیگینی" اورتایا چیخاردیغی وورغولانیب.