علییئو، پوتین ایله تلفندا دانیشدی
علییئو پوتینه، بلژیکین باشکندی بروکسلده ارمنیستانین باشباخانی نیکول پاشینیان و آوروپا بیرلیگی شوراسینین باشقانی شارل میشل ایله گئچیردیگی گؤروشمه حاقیندا بیلگی وئردی
روسیا دؤولت باشقانی ولادیمیر پوتینله آذربایجان جمهورباشقانی ایلهام علییئو آراسیندا تلفن دانیشیغی گئرچکلشدی.
روسیا دؤولت باشقانلیغی سارایی کرملیندن وئریلن بیلگییه گؤره، تلفن دانیشیغیندا پوتین و علییئو؛ روسیا، آذربایجان و ارمنیستان آراسیندا ۲۰۲۰ و ۲۰۲۱.جی ایللرده ایمضالانمیش آنلاشمالارین ایجراسی، بؤلگهده باریشین تامین ائدیلمهسی و ثابیتلیگین گۆجلندیریلمهسی، اقتصادی ایلیشکیلرین و نقلیات باغلانتیلارینین تامین ائدیلمهسی مسئلهلرینی موذاکیره ائتدیلر.
علییئو پوتینه ۲۲ میده بلژیکین باشکندی بروکسلده ارمنیستانین باشباخانی نیکول پاشینیان و آوروپا بیرلیگی شوراسینین باشقانی شارل میشل ایله گئچیردیگی گؤروشمه حاقیندا بیلگی وئردی.
تیجارت و اقتصاد ساحهسینده ایکیلی امکداشلیغین موختلیف یؤنلری موذاکیره ائدیلدیگی تلفن دانیشماسیندا، روسیا-آذربایجان استراتژیک اورتاقلیغینین داها دا درینلشدیریلمهسینه دایر قارشیلیقلی نیت، آذربایجان جمهورباشقانی علییئوین فوریه آییندا موسکوایا رسمی سفرینین سونوجلاری تایید ائدیلدی.
طرفلر، موختلیف سویهلرده منتظم تماسلارین داوام ائتدیریلمهسینی قرارلاشدیردی.