شاماخی، تۆرک دونیاسی توریزم باشکندی سئچیلدی
شاماخیدا تۆرک دؤولتلری تشکیلاتی توریزمدن سوروملو باخانلار ۷.جی توپلانتیسی تشکیل ائدیلدی
آذربایجانین شاماخی شهری، تۆرک دؤولتلری تشکیلاتی طرفیندن تۆرک دونیاسی ۲۰۲۳ توریزم باشکندی سئچیلدی.
شاماخیدا تۆرک دؤولتلری تشکیلاتی توریزمدن سوروملو باخانلار ۷.جی توپلانتیسی تشکیل ائدیلدی.
آذربایجان دؤولت توریزم آژانسی باشکندی فواد ناغییئوین ائو صاحبلیگینده و تۆرک دؤولتلری تشکیلاتی باش کاتیبی باغداد آمرهیئوین ادارهسینده گئچیریلهن توپلانتییا، اؤزبکیستان باشباخان یاردیمچیسی، توریزم و مدنی میراث باخانی عزیز عبدحاکیموو، تۆرکیه جمهوریتی کۆلتور و توریزم باخان یاردیمچیسی نادیر آلپآسلان، قازاقیستانین کۆلتور و ایدمان باخان یاردیمچیسی یئرجان یئرکینبایئو، یوکسک وظیفهلی دؤولت مقاملاری، توریزمدن سوروملو اوزمانلار و آذربایجانداکی دیپلوماتیک نمایندهلر قاتیلدی.
توپلانتیدا تۆرک دؤولتلری تشکیلاتی عضوو و گؤزلمچی اؤلکهلرین بؤیوک شهرلری آراسینداکی اوچوش ساییسینین آرتیریلماسی، توریزمله باغلی بیلگی و تجروبه پایلاشیمی، قیش و گلف توریزمینده امکداشلیق ایمکانلارینین آراشدیریلماسی کیمی قونولار موذاکیره ائدیلدی.
عضو اؤلکهلرین توریزم آژانسلاری بیرلیکلری آراسیندا ایلیشکیلرین قورولماسینین دا گوندمه گلدیگی توپلانتیدا آذربایجانین شاماخی شهرینین، ۲۰۲۳ ایلی اوچون تۆرک دونیاسی توریزم باشکندی سئچیلمهسی قراری آلیندی.