چاووشاوغلو: ارمنیستان آذربایجانلا باغلی یاخشی نیتلی یاناشمالارا جاواب وئرمهلی
"گؤروروک کی، ارمنیستانداکی یؤنتیم، ایچریدهکی رادیکاللار و دیشاریداکی دیاسپورون باسقیسی آلتیندادیر"
خاریجی ایشلر باخانی مؤولود چاووشاوغلو، ارمنیستانین آذربایجانلا باغلی یاخشی نیتلی یاناشمالارا جاواب وئرمهلی اولدوغونو بیلدیررک،
"گؤروروک کی، ارمنیستانداکی یؤنتیم، ایچریدهکی رادیکاللار و دیشاریداکی دیاسپورون باسقیسی آلتیندادیر" دئدی.
مؤولود چاووشاوغلو بیرلشمیش میللتلر تشکیلاتینین اولوسلارآراسی کؤچ گؤزدن گئچیرمه فوروموندا ایشتیراک ائتدیکدن سونرا آذربایجانلی ژورنالیستلرین سواللارینی جاوابلاندیردی.
آذربایجانین الده ائتدیگی (قاراباغ) ظفریندن سونرا باریش ایستهدیگینی و بؤلگهده دینجلیک ایستهدیگینی گؤستردیگینی دئیهن چاووشاوغلو ارمنیستانا جامع بیر باریش آنلاشماسی تکلیف ائدیلدیگینی خاطیرلاتدی.
داها سونرا سرحدلرین معین ائدیلمهسی اوچون اورتاق بیر کمیسیون قورولماسینین گوندمه گلدیگینی، بلژیکین باشکندی بروکسلده ائدیلهن گؤروشمهلرده بو مسئلهلرله باغلی آنلاشما الده ائدیلدیگینی و اورتاق بیر سرحد کمیسیونو قورولدوغونو بیلدیرن چاووشاوغلو،
"جامع بیر باریش آنلاشماسی دانیشیقلارینی خاریجی ایشلر باخانلاری یئریتسین دئدیلر و بیز ده سئویندیک" دئدی.
آذربایجانین آیریجا تۆرکیه ایله ارمنیستان آراسیندا دانیشیقلاری دا دستکلهدیگینی و بونون اولوملو بیر حال اولدوغونو دئیهن چاووشاوغلو بئله داوام ائتدی:
"ایندی ارمنیستانین دا بو خوش نیتلی یاناشمالارا جاواب وئرمهلی اولدوغونو هر زامان سؤیلهییریک و تشویق ائدیریک. گؤروروک کی، ارمنیستانداکی یؤنتیم، ایچریدهکی رادیکاللار و دیشاریداکی دیاسپورون باسقیسی آلتیندادیر".
ایلگیلیلی خبرلر
بایراکتار TB3 سلاحلی هاوا آراجی (سیها) ایلک آتیش سیناغیندا هدفی دقیق ووروب
بایراکتار TB3 SİHA، روکئتسان طرفیندن حاضیرلانمیش ایکی MAM-T سورساتی ایله هاوایا قالخدی
