"تورکیه، سویداشلارینین یانیندا اولماغا داوام ائدجک"

تورکیه قیریم تاتارلارینین کیملیگینین قورونماسی، رفاه و اسنلیکلرینین تامین ائدیلمه‌سی اوچون هر زامان سویداشلارینین یانیندا اولماغا داوام ائدجگینی بیلدیردی.

خاریجی ایشلر باخانلیغی سؤزچوسو تانژو بیلگیچ، چرکز و قیریم تاتار سورگونلرینین ایل دؤنومو ایله باغلی یازیلی آچیقلاما یاییملادی.

قیریمین یئرلی اهالیسی اولان قیریم تاتار تورکلرینین ۱۸ می ۱۹۴۴. تاریخینده آنا وطنلریندن زورلا چیخاریلاراق انسانلیق دیشی شرطلرده سوروگون ائدیلدیکلرینی قید ائد‌رک،

"۲۵۰ مین قیریم تاتارینین اکثریتی سورگون زامانی و یا سورگون ائدیلدیکلری یئرلرده حیاتینی ایتیردی. بو گون بو الیم حادثه‌نین ۷۸.جی ایل دؤنومونو آنیریق. تورکیه هر زامان کیملیگینین قورونماسی، رفاه و اسنلیکلرینین تامین ائدیلمه‌سی اوچون سویداشلارینین یانیندا اولماغا داوام ائدجک" دئدی.

سؤزچو بیلگیچ ۲۱ می‌ین ایسه چرکز سورگونونون ۱۵۸.جی ایل دؤنومو اولدوغونو بیلدیررک،

"قافقاز خالقلاری، ۱۹.جو عصرده چار روسیاسینین قافقازا استیلاسی دؤنمینده یوز مینلرجه ایتکی وئردی و ساغ قالانلارین چوخو وطنلرینی ترک ائد‌رک آنادولویا سیغیندیلار. چرکز سورگونو آدلانان بو فاجعه‌نین آجیسینی هله ده حس ائدیریک. بو گون تاتارلارین و قارداش قافقاز خالقلارینین یاشادیغی فاجعه‌لر سیراسیندا حیاتینی ایتیره‌نلرین قارشیسیندا حؤرمتله باش اییریک" ایفاده‌لرینی قوللاندی.