اسکی تورک مزارلیغی تخریب ائدیلدی
باتی تراکیا مسلمان تورک آزلیغی، قبیریستانلیغین اوزرینه فوتبال میدانی تیکمه گیریشیمینه تپکی وئردی
ایسکئچهنین خوروزلو کندیندهکی اسکی تورک قبیریستانلیغی اوزرینه فوتبال ساحهسی قورما گیریشیمی، یونانیستانداکی باتی تراکیا مسلمان تورک آزلیغین تپکیسینی چکدی.
خوروزلو کندینین باغلی اولدوغو بولوسترا بلدیهسی، چرشنبه آخشامی گونو ایش ماشینلارییلا اسکی قبیریستانلیق اوزرینده چالیشما باشلاتدی.
قبیریستانلیغین اوزرینه فوتبال میدانی قورما مقصدی ایله باشلادیلان چالیشما چرچیوهسینده، بعضی مزار داشلاری یئریندن سؤکولدو و قیریلدی.
باتی تراکیا مسلمان تورک آزلیغی، قبیریستانلیغین اوزرینه فوتبال میدانی تیکمه گیریشیمینه تپکی وئردی.
ایسکئچه تورک بیرلیگی باشقانی اوزان احمداوغلو، قبیریستانلیغا بو شکیلده ضرر وئریلمهسینین قبول ائدیلمز اولدوغونو ایفاده ائدرک تورکلره مصلحتلشمهدن بئلهسی بیر حرکته گئچیلمهسینین آزلیغین تپکیسینه یول آچدیغینی ایفاده ائتدی.
باتی تراکیا مسلمان تورک آزلیغینی تمثیل ائدن بیر چوخ قورولوش و درنک، حادثهنی قینادی.
ایسکئچه تورک بیرلیگیندن وئریلهن آچیقلامادا،
"بولوسترا بلدیهسینین آلمیش اولدوغو بو قراردان تئزلیکله وازگئچمهسینی و تورک آزلیق توپلوموندان عذر ایستهمهسینی گؤزلهدیگیمیزی بوتون توپلوملا پایلاشاریق" ایفادهسی یئر آلدی.