آذربایجان جمهوریتی، طرفلری دیالوگا چاغیردی
"آذربایجان، اوکراینا خالقینا طبی تجهیزات و دیگر ایلک یاردیم لوازیمینین تامینی اوچون حرکته گئچمیشدیر"
آذربایجان خاریجی ایشلر باخانی جیحون بایراموو، روسیا-اوکراینا ساواشیندا گرگینلیک داها چوخ آرتمادان طرفلری دیالوگا چاغیردی.
بیرلشمیش میللتلر اینسان حاقلاری شوراسینین ۴۹.جو توپلانتیسیندا دانیشان باخان بایراموو، روسیا-اوکراینا ساواشینا توخوندو.
بایراموو، توپلانتینین، اولوسلارآراسی گرگینلیکلرین کؤلگه‌سینده باشلادیغینی وورغولایاراق،
"آذربایجان، اوکراینادا داوام ائد‌ن بحرانین وطنداش اؤلوملرینه سبب اولماسیندان درین کدر دویماقدادیر" دئدی.
وطنداشلارین حیاتینین هر دایم ضمانت آلتیندا اولماسی لازیم اولدوغونو دئین بایراموو،
"مؤوجود وضعیتین وطنداشلارا منفی تأثیرینی اؤنله‌مک اوچون بو انسانی بحرانا قارشی تدبیرلر آلماق لازیمدیر. بو چرچیوه‌ده آذربایجان، اوکراینا خالقینا طبی تجهیزات و دیگر ایلک یاردیم لوازیمینین تامینی اوچون حرکته گئچمیشدیر" ایفاده‌سینی ایشلتدی.
جیحون بایراموو،
"بو حساس زاماندا آذربایجان، مؤوجود گرگینلیک داها چوخ آرتمادان گئجیکمه‌سیز دیالوگ چاغریسینی تکرارلاماقدا و طرفلر آراسی بیرباشا مذاکیره‌لرین اؤنمینه دقت چکمکده‌دیر" دئیه دانیشدی.
روس عسگرلری ۲۴ فوریه‌ده اوکراینایا سالدیری باشلاتمیشدی.
ایلگیلی‌لی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
