قازاقیستان‌دا اسکی ساوونما باخانی گؤزآلتینا آلیندی

"باش ساوچیلیق طرفیندن اؤنجه‌کی ساوونما باخانی مراد بک‌تانووا، وظیفه‌سینی یئرینه یئتیرمه‌مه‌ اتهامی ایله محکمه اؤنجه‌سی سوروشدورما باشلادیلدی"

1782152
قازاقیستان‌دا اسکی ساوونما باخانی گؤزآلتینا آلیندی

قازاقیستان‌دا ژانویه آییندا باش وئره‌ن حادثه‌لردن سونرا وظیفه‌سیندن اوزاقلاشدیریلان گئچمیش ساوونما باخانی مراد بک‌تانوو گؤزآلتینا آلیندی.

قازاقیستان باش ساوچیلیغینین آچیقلاماسیندا، بک‌تانووون دونن باشکند نور سلطان‌دا مجازات قانونونون ۴۵۲.جی ماده‌سینه اویغون اولاراق گئچیجی گؤزآلتی مرکزینه آپاریلدیغی بیلدیریلدی.

آچیقلامادا، "باش ساوچیلیق طرفیندن اؤنجه‌کی ساوونما باخانی مراد بک‌تانووا وظیفه‌سینی یئرینه یئتیرمه‌مه‌ اتهامی ایله محکمه اؤنجه‌سی سوروشدورما باشلادیلدی" ایفاده‌سینه یئر وئریلدی.

بک‌تانوو ۲۶ آگوستدا اؤلکه‌نین گونئیینده‌کی جامبیل ایالتینده حربی مهمات آنبارین‌دا باش وئرن پاتلاما نتیجه‌سینده وظیفه‌سیندن استعفا ائدن نورلان یئرمک‌بایئوین یئرینه ساوونما باخانی تعیین ائدیلمیشدی.

بو ایل ژانویه آیی باشیندا اؤلکه‌نین باتیسیندا ال‌پی‌جی قیمتلرینین قالخماسی سببی ایله باشلایان اعتراضلارین اسکی باشکند آلماتی‌دا شدتلی اولایلارا چئوریلمه‌سی نتیجه‌سینده ۲۵۵ نفرین حیاتینی ایتیردیگی حادثه‌لرین آردینجا بک‌تانوو، جمهورباشقانی قاسم جومرد توکایئوین قراری ایله ۱۹ ژانویه‌ده وظیفه‌دن آلینمیش و اونون یئرینه روسلان ژاکسیلیکوو گتیریلمیشدی.

توکایئو بونونلا باغلی آچیقلاماسیندا، ژانویه حادثه‌لری زامانی بک‌تانووون، امرینده بوتون بیر اوردونون اولماسینا باخمایاراق، باشچیلیق اؤزللیکلری گؤستره‌بیلمه‌دیگینی، حساس بیر وضعیت‌ده سؤزو گئدن پتانسیل‌دن ایستیفاده ائده‌بیلمه‌دیکلرینی و خاریجی یاردیم آلماق مجبوریتینده قالدیقلارینی ایفاده ائتمیشدی.



ایلگیلی‌لی خبرلر