توکایئو: حادثه‌لر اؤلکه‌نین وضعیتینی کؤکدن دییشدیردی

"یئنی حکومت، خالقین سوسیال رفاهینی یوکسلدمه، تورمو آزالدما و اهالینین گلیر سویه‌سینی آرتیرماقلا گؤره‌ولی"

1775370
توکایئو: حادثه‌لر اؤلکه‌نین وضعیتینی کؤکدن دییشدیردی

قازاقیستان جمهورباشقانی قاسم جومرت توکایئو، اؤتن آی باش وئره‌ن حادثه‌لرین اؤلکه‌سین‌ده‌کی وضعیتی کؤکدن دییشدیردیگینی سؤیله‌دی.

توکایئو، اؤتن آی اولوشدورولان آلیخان اسماعیلووون باشقانلیغینداکی یئنی حکومتین ایلک توپلانتیسینا قاتیلدی.

گؤروشمه‌یه ویدئوکنفرانس ویولویلا قوشولان توکایئو،

"ژانویه حادثه‌لری قازاقیستاندا وضعیتی کؤکوندن دییشدیر‌دی" دئدی.

توکایئو، اؤلکه‌ده بورجو اولانلارین ساییسینین آرتدیغینا و تخمیناً ۱ میلیون وطنداشین آیلیغینین گئچیمینی قارشیلامادیغینا دقت چکره‌ک،

"یئنی حکومت، خالقین سوسیال رفاهینی یوکسلدمه، تورمو آزالدما و اهالینین گلیر سویه‌سینی آرتیرماقلا گؤره‌ولی" دئدی.

یورددیشینا یاسادیشی ایوللاردان چیخاریلان مالی قایناقلارین گئری قایتاریلاجاغینی بیلدیرن توکایئو،

"حکومته، ۲ آی ایچینده یورددیشنا یاسادیشی یوللارلا چیخاریلان مالی وقایناقلارین و اورادا الده ائدیلمیش وارلیقلارین قایتاریلماسی ایله باغلی تکلیف حاضرلاماسین تاپشیریغی وئریرم" ایفاده‌سینی ایشلتدی.

قازاقیستان مجلسی میللت وکیلی ماکسات رامانکولوو، سون ۲۵ ایلده قازاقیستان‌دان تخمیناً ۱۴۰ ایله ۱۶۰ میلیارد دلار ین یورددیشینداکی آفشور شیرکتلره کؤچورولدویگو بیلگیسینی پایلاشمیشدی.



ایلگیلی‌لی خبرلر