"یولوموز قاراباغادیر"

آذربایجان‌دا، ارمنیستان ایشغالین‌دان قورتاریلان شوشا و آغدام ائللرینه دوزنلی اتوبوس سفرلری باشلادی.

اتوبوس سفرلری اوچون اؤزل اولاراق آچیلان "یولوموز قاراباغادیر" آدی وئریله‌ن اینترنت سایتین‌دان بیلت آلان وطنداشلار، ۳۰ ایل سونرا ائدیله‌ن ایلک اتوبوس سفرلرینین یولچوسو اولما شانسینی الده ائتدی.

باکی اتوبوس ترمینالین‌دان یئرلی ساعاتلا ۰۶.۳۰دا باشلایان وئریلن آرالارلا بیرلیک‌ده تخمیناً ۶،۵ ساعات داوام ائتدی.

شوشایا چاتان یولچولارا شهرین اؤزل معماری طرزی حاقین‌دا بیلگی وئریلدی.

ایشغال دؤنمینده ارمنیلرین تاریخی و مد‌نی وارلیقلارا وئردیگی ضررلره شاهید اولان قوناقلار، یئنی دؤنمده شوشادا یئریدیله‌ن بایندیرلیق ایشلرینی گؤرمه ایمکانی تاپدی.

سفر چرچیوه‌سینده، آشاغی گؤوهرآغا و یوخاری گؤوهرآغا مسجیدلری، آذربایجانین صنعت و مدنیت حیاتینا یؤن وئره‌ن ناتوان، بولبول و اوزئییر حاجی‌بی‌لی‌نین هیکللریله بیر دؤنم یاشادیقلاری ائولر ده گزیلدی.

قوناقلار، بیر زامانلار آت یاریشلارینین ائدیلدیگی طبیعت معجزه‌سی جیدیر دوزونو ده گزدی.