قوزیی قیبریس تورک جمهوریتینده سئچکی لری میللی بیرلیک پارتیاسی قازانیب
فایز سوجواوغلو پایتاخت لئفکوشادا سس‌لرین ساییلماسی پروسه‌سی داوام ائدرکن مطبوعاتا آچیقلاما وئریب.
قوزیی قیبریس تورک جمهوریتی‌نین باش ناظیری، میللی بیرلیک پارتیاسی‌نین (UBP) صدری فایز سوجواوغلو پارتیاسی‌نین دوننکی ارکن سئچکی یاریشینی بیرینجی یئرده باشا ووردوغونو و کوالیسیون حکومتی اوچون ایشه باشلایا‌جاق‌لارینی بیلدیریب.
فایز سوجواوغلو پایتاخت لئفکوشادا سس‌لرین ساییلماسی پروسه‌سی داوام ائدرکن مطبوعاتا آچیقلاما وئریب.
پارتیاسی‌نین حساب‌لانان سس‌لرین 40،48 فایزینی آلا‌راق 25 میللت وکیلی قازاندیغینی بیلدیرن سوجواوغلو یئکون نتیجه‌نین بوتون حسابلاما‌لار بیتدیک‌دن و بیرگه سس‌لر ساییلدیق‌دان سونرا معلوم اولاجاغینی قئید ائدیب.
فایز سوجواوغلو دئییب کی، بوتون بو چتین‌لیک‌لره باخمایا‌راق، خالقیمیز 40،48 فایز سسله 25 میللت وکیلیندن عبارت قرار قبول ائتدی. ، میللی بیرلیک پارتیاسی حاضیردا مجلیسده ان بؤیوک پارتیا اولا‌راق حکومتی فورما‌لاش‌دیرماق وظیفه‌سینی بؤیوک احتیماللا ژانویه‌نین 25-ی و یا 26-دا پرزیدنت ارسین تاتاردان آلا‌جاق پارتیا اولا‌جاق‌دیر. بیز آرتیق حکومتین اساس اورتاغی اولا‌راق سئچکی‌لره گیرمیشیک، یقین کی، سئچکی‌دن سونرا یئنی‌دن اساس طرفداش اولا‌راق پروسه‌سی ایداره ائدجییک.
سوجواوغلو بیلدیریب کی، پارتیاسی اقتصادی و سوسیال ثابت‌لیگه اوستونلوک وئره‌رک تک باشینا اقتداری هدفلییر:"دموکراتیک پروسه‌سین سونوندا خالقیمیزین وئردیگی بو قرارا شوبهه‌سیز حؤرمتله یاناشاجاغیمیزی سؤیله‌دیک. بو یوللا قارشی‌داکی دؤورده 25 میلت وکیلی ایله کوالیسیون حکومتی اوچون درحال ایشه باشلایاجاغیق".
بو آرادا، قوزیی قیبریس تورک جمهوریتی یوکسک سئچکی شوراسی‌نین (یسک) آچیقلادیغی غیری-رسمی نتیجه‌لره گؤره، میللی بیرلیک پارتیاسی 39،54 فایز ایله سئچکینی بیرینجی یئرده تاماملاییب.
