باریش گوجو، قازاقیستان‌دان چیخدی
توکایئو، کولکتیو گوونلیک آنلاشماسی تشکیلاتی باریش گوجونون ۱۹ ژانویه‌یه قدر اؤلکه‌دن تامامییلا چکیله‌جگینی بیلدیرمیشدی
قازاقیستان، ۶ ژانویه‌ده اؤلکه‌یه گلن کولکتیو گوونلیک آنلاشماسی تشکیلاتی باریش گوجونون تورپاقلارین‌دان تامامییلا چکیلدیگینی و بو آندا اؤلکه‌ده خاریجی عسگری بیرلیک اولمادیغینی بیلدیردی.
قازاقیستان ساوونما باخانلیغی اولوسلارآراسی امکداشلیق بؤلومو باشقانی اولژاس حسینوو، بو گون کگاؤ باریش گوجونون هامیسییلا اؤلکه تورپاقلارین‌دان چکیلدیگینی بیلدیردی.
جمهورباشقانی قاسم جومرت توکایئوین تاپشیریغی اوزرینه کولکتیو گوونلیک آنلاشماسی تشکیلاتی باریش گوجونون ۱۳ ژانویه‌دن اعتباراً اؤلکه‌دن مرحله‌لی اولاراق چکیلمه‌یه باشلادیغینی خاطیرلادان حسینوو، سؤزو گئدن عسگری بیرلیکلرین، وضعیتی ثابتلیگه قوووشدورماق مقصدیله اؤلکه‌سین‌ده وضیفه‌لندیریلدیگینی سؤزلرینه علاوه ائتدی.
جمهورباشقانی توکایئو، ۱۱ ژانویه‌ده مجلیس‌ده ائتدیگی دانیشمادا، اؤلکه‌ده عمومی نظمین تامین ائدیلدیگینی و کولکتیو گوونلیک آنلاشماسی تشکیلاتی باریش گوجونون ۱۹ ژانویه‌یه قدر اؤلکه‌دن تامامییلا چکیله‌جگینی بیلدیرمیشدی.
