قاراباغا اتوبوس سفرلری باشلاییر
اتوبوس سفرلری سایه‌سین‌ده وطنداشلار ایشغال‌دان آزاد ائدیلمیش بؤلگه‌لره گئدیب مؤوجود وضعیتی اؤز گؤزلری ایله گؤره‌بیله‌جکلر
آذربایجان‌دا، ارمنیستان ایشغالین‌دان قورتاریلان قاراباغا منتظ‌م اتوبوس سفرلری ائدیله‌جک.
باکی-شوشا، باکی-آغدام، احمدبی‌لی-شوشا، فضولی اولوسلارآراسی هاوا لیمانی-شوشا و بردع-آغدام ایستیقامتلرین‌ده ۲۴ ژانویه‌دن اعتباراً شهرلر آراسی منتظ‌م اتوبوس سفرلری ائدیله‌جک.
سفرلر، احمدبی‌لی-شوشا ایستیقامتین‌ده هفته‌ده ۴ دفعه، دیگر ایستیقامتلرده ایسه ۲ دفعه حیاتا گئچیریله‌جک. فضولی اولوسلارآراسی هاوا لیمانی-شوشا اتوبوس سفرلری ایله عینی واختدا حیاتا گئچیریله‌جک.
ایلک مرحله‌ده قاراباغا اتوبوسلا یالنیز آذربایجان وطنداشلاری گئده‌بیله‌جک.
اتوبوس سفرلری سایه‌سین‌ده وطنداشلار ایشغال‌دان آزاد ائدیلمیش بؤلگه‌لره گئدیب مؤوجود وضعیتی اؤز گؤزلری ایله گؤره‌بیله‌جکلر.
سفر ائدنلر، گوونلیک و مین تهلوکه‌سی سببی ایله بؤلگه‌ده گئجه‌له‌یه‌بیلمه‌یه‌جک و عینی گون گئری قاییداجاقلار.
آذربایجان اوردوسو ۳۰ ایله یاخین ارمنیستانین ایشغالی آلتین‌دا اولان قاراباغی ۱۰ نوامبر ۲۰۲۰ده قورتارمیشدی.
