تورکیه، آذربایجانلا دیپلوماتیک ایلیشکیلرین ۳۰.جو ایلینی قوتلادی

"آرادان گئچه‌ن ۳۰ ایل بویونجا تۆرکیه، یاخشی گونده ده پیس گونده ده دوست و قارداشی آذربایجانین یانیندا اولدو"

1762650
تورکیه، آذربایجانلا دیپلوماتیک ایلیشکیلرین ۳۰.جو ایلینی قوتلادی

تۆرکیه، آذربایجانلا دیپلوماتیک ایلیشکیلرین یئنی‌دن قورولماسینین ۳۰.جو ایلینی قوتلادی.

خاریجی ایشلر باخانلیغیندان وئریله‌ن یازیلی آچیقلامادا، ۳۰ ایل اؤنجه "یئنی‌دن دیپلوماتیک ایلیشکیلر قورولما‌سی حاقین‌داکی پروتوکول"ون ایمضالانماسییلا ایکی اؤلکه آراسین‌داکی دیپلوماتیک ایلیشکیلرین باشلادیلدیغی ایفاده ائدیله‌رک، آذربایجانین مستقیللیگینی اعلان ائتمه‌سینین آردین‌دان دیپلوماتیک ایلیشکی قوران ایلک اؤلکه‌نین تۆرکیه اولدوغو خاطیرلادیلدی.

آذربایجانین ۲۹ اکتبر ۱۹۹۱ده اولوسلارآراسی توپلومون برابر حاقلارا صاحب بیر عضوو اولدوغونا دایر ایراده‌سینی گوجلو شکیلده اورتایا قویدوغو وورغولانان آچیقلامادا، او تاریخ‌ده تۆرکیه‌نین سانکی ایکی بایرام یاشادیغی قید ائدیلدی.

آچیقلامادا،

"آرادان گئچه‌ن ۳۰ ایل بویونجا تۆرکیه، یاخشی گونده ده پیس گونده ده دوست و قارداشی آذربایجانین یانیندا اولموش، بونو قهر‌مان آذربایجان اوردوسونون ۴۴ گونلوک وطن ساواشی ایله تورپاقلارینی ایشغال‌دان قورتارماسی سونراسین‌دا دویدوغو بؤیوک سئوینجله بیر دفعه داها گؤسترمیشدیر" ایفاده‌لرینه یئر وئریلدی.

ایکی اؤلکه‌نین ده ۳۰ ایل اؤنجه‌کینه نیسبتا چوخ داها گوجلو اولدوقلارینا دقت چکیله‌ن آچیقلامادا، ایکی اؤلکه‌نین قارداشلیغی و یاخین امکداشلیغین، اورتاق بؤلگه‌لرین‌ده باریش و ثابیتلیگین ده بؤیوک بیر ضمانتی حالینا گلدیگی ایفاده ائدیلدی.

آچیقلامادا، ۱۵ ژوئن ۲۰۲۱ده ایمضالانان شوشا بیاننامه‌سی ایله متفیقلیک سویه‌سینه چیخاردیلان ایلیشکیلرین بوندان سونرا دا داوام ائدجگی وورغولاناراق، بونلار قید ائدیلدی:

"جمهوریتیمیزین قوروجوسو غازی مصطفی کمال آتاتۆرکون، 'آذربایجانین سئوینجی بیزیم سئوینجیمیز، کدری بیزیم کدریمیز' ایفاده‌سینه و لیدئر حیدر علییئوین دیله گتیردیگی 'تک میللت، ایکی دؤولت' شعارینا یاراشان یاناشما دا بودور".



ایلگیلی‌لی خبرلر