علییئودن اردوغانا تبریک مئساژی
"بیز ده هر قونودا و هر زامان قارداش تورکیهنین یانیندا اولماغا داوام ائدجییک"
آذربایجان جمهورباشقانی ایلهام علییئو، تورکیه ایله اؤلکهسی آراسیندا دیپلوماتیک ایلیشکیلرین قورولماسینین ۳۰.جو ایلی سببی ایله جمهورباشقانی رجب طیب اردوغانا قوتلاما مئساژی گؤندردی.
علییئو، آذربایجان جمهورباشقانلیغی رسمی اینترنت سایتیندا یاییملانان مئساژیندا، ایکی اؤلکه آراسیندا دیپلوماتیک ایلیشکیلرین ۱۴ ژانویه ۱۹۹۲ده قورولدوغونو خاطیرلاداراق بو اؤنملی گون سببی ایله اردوغانی و قارداش تورک خالقینی ان صمیمی دویغولارییلا قوتلادیغینی ایفاده ائتدی.
تورکیه ایله دیپلوماتیک ایلیشکیلرین قورولماسینین، آذربایجان تاریخینده اؤنملی بیر حادثه اولدوغونو ایفاده ائدن علییئو،
"۲۰.جی عصرده ایکینجی دفعه مستقیللیگینی قازانان آذربایجانی ایلک تانییان اؤلکهنین تورکیه اولماسی، آردیندان دیپلوماتیک ایلیشکیلرین قورولماسی، گئرچک بیر قارداشلیق و دایانیشما نومونهسی اولاراق خالقیمیزین میللی یادداشینا ابدی اولاراق حک ائدیلمیشدیر" ایفادهلرینی ایشلتدی.
علییئو، آذربایجان ایله تورکیه ایلیشکیلرینین سون دؤورده بؤیوک بیر گلیشمه گؤسترمهسیندن غرور دویدوغونو ایفاده ائدرک ایکی اؤلکهنین تاریخی امتحانلاردان غرورلا و باشی دیک چیخدیغینی، "تک میللت، ایکی دؤولت" اصلینین روحونا باغلیلیقلارینی بیر دفعه داها تصدیق ائتدیگینی و اونو یاشاتدیقلارینی قید ائتدی.
تورک و آذربایجان خالقلارینین عصرلره دایانان بیرلیگی، قارداشلیغی و دوستلوغو کیمی ساغلام تمللر اوزرینه تیکیلهن دؤولتلرآراسی ایلیشکیلرین ان اوست سویهده اولدوغونو ایفاده ائدن علییئو، ژوئن ۲۰۲۱ده شوشادا ایلیشکیلری متفیقلیک سویهسینه چیخاردان بیاننامهنی ایمضالامالارینی "سارسیلماز بیرلیگیمیزی گوجلهندیرهن اؤنملی بیر تاریخی آددیم" اولاراق تانیملادی.
علییئو، جمهورباشقانی اردوغانا گؤندردیگی قوتلاما مئساژیندا بونلاری قید ائتدی:
"دونیادا بنزری اولمایان، دوستلوق و قارداشلیغین ان گؤزل نومونهسی اولان آذربایجان-تورکیه ایلیشکیلرینین و متفیقلیگینین گلیشمهسی و گوجلهنمهسیندهکی خیدمتلرینیز چوخ دگرلیدیر. آذربایجانین تورپاق بوتونلویونو تامین ائتمه قونوسونداکی قرارلی و دقیق توتومونوز، حاق دعویمیزه وئردیگینیز ترددسوز دستک بیزه هر زامان معنوی و علاوه گوج وئردی. آذربایجان خالقی، ۴۴ گونلوک وطن ساواشینین ایلک ساعتلاریندان سون دقیقهلرینه قدر شخصاً سیزین، تورکیه جومهوریتینین و قارداش تورک خالقینین سرگیلهدیگی معنوی دستگی و دایانیشمانی اصلا اونوتمایاجاق. بو گون ایشغالدان قورتاریلان تورپاقلارین آبادلیق و احیاسیندا دا تورکیه ایله چیگین چیگینه چالیشمامیز ممنونیت وئریجی. بیز ده هر مؤوضوعدا و هر زامان قارداش تورکیهنین یانیندا اولماغا داوام ائدجییک".
ایلگیلیلی خبرلر
تورکیه-آذربایجان بیلیمیوردو قورولور
جمهورباشقانی علییئو، "تورکیه-آذربایجان بیلیمیوردونون قورولماسینا باغلی آنلاشما متنی"نه اونای وئردی