تورک دؤولتلری تشکیلاتی: قازاقیستانا دستک وئرمهیه حاضیریق
"تورک دؤولتلری تشکیلاتی عضو اؤلکهلری، قازاقیستانداکی سون حادثهلر ایشیغیندا، قازاقیستاندا باریش و ثابتلیگه وئردیگیمیز اؤنمی وورغولاییر و عضو اؤلکهمیز قازاقیستانلا گوجلو دایانیشمامیزی ایفاده ائدیریک"
تورک دؤولتلری تشکیلاتی، قازاقیستاندا یاشانان گلیشمهلرله باغلی دایانیشما آچیقلاماسی یاییملادی.
تشکیلاتدان وئریلهن آچیقلامادا،
"تورک دؤولتلری تشکیلاتی عضو اؤلکهلری، قازاقیستانداکی سون حادثهلر ایشیغیندا، قازاقیستاندا باریش و ثابتلیگه وئردیگیمیز اؤنمی وورغولاییر و عضو اؤلکهمیز قازاقیستانلا گوجلو دایانیشمامیزی ایفاده ائدیریک" دئییلدی.
قازاقیستان خالقینین ساغدویوسو و نورمالا دؤنمه آرزوسونا گوونلرینی وورغولایان تشکیلات عضو اؤلکهلری،
"قازاق یئتکیلیلرین، باریشچیل بیر شکیلده گرگینلیین آرادان قالدیریلماسی، نظام و سوکونتین یئنیدن تاسیس ائدیلمهسی توتومونا صاحب اولدوغونا اینانیریق. قازاقیستان حکومتینه و خالقینا احتیاج دویابیلهجکلری دستگی وئرمهیه حاضر اولدوغوموزو بیان ائدیریک" ایفادهلرینی ایشلتدی.
آچیقلامادا آیریجا حادثهلرده حیاتینی ایتیرهنلر اوچون باشساغلیغی، یارالیلار اوچون عاجل شفا مئساژی دا یئر آلدی.
قازاقیستان، تورک دؤولتلری تشکیلاتینین آذربایجان، تورکیه، قیرغیزیستان و اؤزبکیستانلا بیرلیکده ۵ عضوو آراسیندا یئر آلیر.
تشکیلاتین گؤزلمچی عضولری آراسیندا ایسه تورکمنیستان و ماجاریستان وار.
تورک شوراسی آدییلا ۲۰۰۹دا قورولان تشکیلات، بو آنکی آدینی ایسه نوامبر ۲۰۲۱ده تورکیهده ائدیلهن ذیروهده آلدی.