باکی‌دا "تورک دونیاسی اوشاقلارینین دایانیشماسی" آدلی تدبیر گئچیریلدی

"تورک خالقلاری اولو آغاجین بوداقلاری، اوشاقلاری ایسه همین بوداقلارین غؤنچه‌لریدیر"

1754907
باکی‌دا "تورک دونیاسی اوشاقلارینین دایانیشماسی" آدلی تدبیر گئچیریلدی
baku Turk dunyasi dayanisma etkinligi1.jpg
baku Turk dunyasi dayanisma etkinligi.jpg

 ۳۰ دسامبردا اولوسلارآراسی تورک کولتور و میراثی وقفینده "تورک دونیاسی اوشاقلارینین دایانیشماسی" آدلی تدبیر گئچیریلدی.
اولوسلارآراسی تورک کولتور و میراثی وقفی باشقانی گون‌آی افندیئوا تدبیری گیریش سؤزو ایله آچاراق، اوشاقلاری بو مکان‌دا گؤرمک هامییا سئوینج بخش ائدیر، چونکو اونلار تورک دونیاسینین آب-هاواسینی اؤزلریله گتیریرلر. افندیئوا تورک دونیاسینی «اولو آغاجا» بنزه‌ده‌رک، "تورک خالقلارینی آغاجین بوداقلاری، اوشاقلاری ایسه همین بوداقلارین غؤنچه‌لری" آدلاندیردی.
31 دسامبر دونیا آذربایجان‌لیلارینین دایانیشما گونونون قوتلاناجاغینی بیلدیره‌ن گون‌آی افندیئوا بو بایرامی بوتون تورک دونیاسینا شامیل ائدرک: "تورک خالقلاری نماینده‌لرینین هم‌رای‌لیگی قاراباغ ظفرین‌ده، آزاد اولونموش تورپاقلارین برپاسین‌دا بوتون دونیایا ثبوت ائدیلمیش‌دیر. عینی زامان‌دا، بو ایل بوتون تورک دونیاسی داهی شاعرلریمیزین - نظامی گنجوینین یونوس امره‌نین، علیشیر نواینین و دیگر بؤیوک صنعتکارلاریمیزین ایل‌دؤنوملرینی قوتلادی" دئدی.
اوشاقلاری یئنی ایل موناسیبتیله تبریک ائد‌ن فوقف باشقانی گله‌جک‌ده اونلارین تک عائله‌ده دئییل، بوتون تورک دونیاسین‌دا بیر بیرینه دستک اولمالارینی آرزولادی. گون‌آی افندیئوا، ۲۱.جی عصری بوتون "تورک دونیاسینین چیچکلنه‌ن عصری" اولاجاغینا ایناندیغینی قید ائتدی.
آذربایجانین عائله، قادین و اوشاق پروبلئملری اوزره دؤولت کمیته‌سینین باشقانی باهار مورادووا دا، "اوشاقلار حیاتین داوامی‌دیر، بیزیم اومودوموز، نجات و اینکیشافیمیزدیر. هر بیر اینسان بو یولو گئچیر. ایلک اولاراق نیت، آرزو کیمی دونیایا گلیر سونرا شخصیته چئوریلیر و تمثیل ائتدیگی خالقی اوچون فایدا وئرمه‌یه باشلاییر" دئدی.
اوشاقلاری تورپاغا سپیلمیش بیر توخوما بنزه‌دن باهار مورادووا، 
"او تورپاق مونبیت اولارسا اورا اکیلمیش گول، چیچک، آغاج تئز بؤیویوب قول-بوداق آتاجاق. "بوتون تورک دونیاسین‌دا، آدینا تورک دئیه‌ن بیر اینسان وارسا مسئله‌یه محض بو جور موناسیبت گؤستریر. چونکو بیزیم واحدلیگیمیز، بیرلیگیمیز محض بیر کؤک‌دن قیدالانیر. بیزیم اوچون عائله، اوشاق و بیرگه گله‌جک چوخ واجیب عامل‌دیر. اینانیرام کی، اوشاقلار عظمت‌لی چینار آغاجی کیمی اطرافینا کؤلگه سالیب، بوتون تورک دونیاسینین دیرلرینی قورویاجاق" دئدی.
تورکیه‌نین آذربایجان‌داکی ائلچیسی جاهید باغچی دا،
"بو مکان تاریخه، مدنیته، ادبیاتا ائو صاحب‌لیگی ائدیر. اولوسلارآراسی تورک کولتور و میراثی وقفی ساده‌جه تورک خالقلارینین شخصیتلرینین تانیدیلماسینی دئییل، هم ده اونلارین آدی ایله باغلی تدبیرلرده ایشتیراک ائدیر. بو تورپاقلار بیزیم آتا تورپاقلاریمیز اولدوغون‌دان قارداشلیغیمیزین مایاسی اولان هر شئیی یئنی نسیللره اؤتورمه‌لی، قازاقیستان‌دان توتموش تورکیه‌یه قدر بوتون تورک دونیاسینین مدنیتینی، تاریخینی، داهی شخصیتلرینی قورومالیییق. بو معنادا موختلیف تورک اؤلکه‌لرین‌دن اولان اوشاقلاری بورادا گؤرمک آیری بیر گؤزل‌لیک‌دیر".
تدبیرده آذربایجان‌دان، قازاقیستان‌دان، قیرقیزیستان‌دان، تورکیه‌دن و تورکمنیستان‌دان اولان اوشاقلار تمثیل ائتدیکلری دؤولتلره اؤزل شعر و ماهنیلار سسلندیردیلر.
تدبیر چرچیوه‌سین‌ده آذربایجان تحصیل باخانلیغی ۳ نؤمره‌لی اوشاق گنجلر اینکیشاف مرکزینین «چیچگیم» اوشاق تاتری و «آذری اینجیلری» رقص توپلولوغونون سونوموندا ناغیل قهرمانلاری جانلاندیریلیب، تورک اؤلکه‌لرینین میللی رقصلری نوماییش اولوندو.



ایلگیلی‌لی خبرلر