تۆرک دؤولتلرینین بایراقلارین‌داکی 'گیزلی' مئساژلار
تۆرکلر بایراقلارینی مقدس قبول ائدیر و اؤزلرینی قورویاجاغینی دوشوندوکلری گوجو بایراقلا سمبوللاشدیریر
بایراقلار ایچریسین‌ده، موختلیف سمبولیک دگرلر داشیماقلا بیرلیک‌ده، تک باشلارینا بیر سمبول، آیریجا تمثیل ائتدیکلری میللتلرین موستقیللیگینین تک تمثیلچیسی. تۆرکلر بایراقلارینی مقدس قبول ائدیر و اؤزلرینی قورویاجاغینی دوشوندوکلری گوجو بایراقلا سمبوللاشدیریر.
و موستقیل تۆرک دؤولتلرینین بایراقلارین‌داکی او سمبوللار و معنالاری...
بایراق سؤزجوگو تۆرک دیل قوروموندا "بیر میللتین، معین بیر بیرلیگین و یا بیر قورولوشون سمبولو اولاراق ایستیفاده ائدیله‌ن، رنگ و بیچیمله اؤزللشدیریلمیش، عمومیتله مستطیل شکلینده پارچا" اولاراق تانیملانیر.
تۆرکیه
تۆرکیه جمهوریتینین بایراغی، آی اولدوزلو آل بایراق اولاراق ایفاده ائدیلیر. تۆرکیه جمهوریتی دؤولتینین بایراغی بیر بوتون اولاراق تۆرک میللتینی تمثیل ائدیر. ۲۹ مای ۱۹۳۶دا تۆرک بایراغی قانونو ایله تۆرکییه جمهوریتینین میللی بایراغی اولاراق قانونلاشدی.
دئییلر کی؛ تۆرک بایراغین‌داکی قیرمیزی رنگ قورتولوش ساواشی سیراسین‌دا وطنیمیز اوچون شهید اولان عسگرلرین و میللی مباریزه‌نین؛ آی و اولدوز ایسه آزادلیغین سمبولو.
آذربایجان
آذربایجان جمهوریتینین بایراغی حاقین‌دا ایلک حکومت قراری ۱۹۱۸ده آلیندی. سووئتلر بیرلیگینین داغیلماسییلا موستقیل‌لیک الده ائد‌ن آذربایجان، جمهوریت دؤورون‌ده قبول ائدیله‌ن بایراغی، ۱۹۹۱ده تکرار میللی بایراق اولاراق منیمسه‌دی.
آذربایجان بایراغی گؤی، قیرمیزی و یاشیل اوفوقی باندلاردان میدانا گلیر. قیرمیزی زمین اوزرین‌ده آغ رنگ‌ده ساغا باخان بیر یاریم آی و سککیز بوجاقلی بیر اولدوز وار.
بایراق‌داکی گؤی رنگ تۆرکلویو، یاشیل رنگ اسلامی، قیرمیزی رنگ ایسه چاغداشلیغی تمثیل ائدیر.
اؤلکه‌ده ۹ نوامبر دؤولت بایراق گونو اولاراق قوتلانیر.
قازاقیستان
آنا رنگی گؤی اولان بایراق‌دا، قوچ بوینوزو، گونش و اوچان بیر قارتال وار.
بایراغین حاکم رنگی اولان گؤی؛ اینسانلارین مد‌نی- ائتنیک بیرلیگینی و دؤولتین بؤلونمزلیگینی، اورتاسین‌دا یئر آلان گونش ایسه؛ دینجلیک و برکتی تمثیل ائدیر.
بایراغین اورتاسین‌داکی قارتال، دؤولتین گوجونو و گئنیشلیگینی آنلادیرکه‌ن، سول طرف‌ده یئر آلان قیزیل ساریسی ناخیش؛ قازاقلارین مشهور قوچ بوینوزو بزمه‌سی قوشقار-مویزو سیمگه‌له‌ییر.
قیرقیزیستان
قیرقیزیستان بایراغی؛ قیرمیزی بیر زمین اوزرین‌ده ۴۰ قوللو ساری بیر گونش سمبولونون ایچین‌ده‌کی گله‌نکسل قیرقیز یؤروک چادیری سمبولون‌دان اولوشور. بایراق‌داکی گونشین ۴۰ قولو ماناس داستانین‌داکی ۴۰ تۆرک بویونو سیمگه‌لرکه‌ن، قیرمیزی رنگ جسارتی، ساری گونش ایسه باریش ایله زنگین‌لیگی ایفاده ائدیر.
ساغدان سولا و یئنه آشاغی‌دان یوخارییا اوزانان اوچ ساری خط قیرقیز کئچه چادیرینین تاوانینی تمثیل ائدیر. کئچه چادیرین تاوانینین مرکزین‌ده قیرقیزجادا "تۆندوک"، دده قورقود‌دا "تۆینوک" آدی وئریله‌ن بیر دلیک وار؛ بو دلیک چادیرین هم گؤیه آچیلان پنجره‌سیدیر، هم ده عینی زامان‌دا چادیرین پاجاسی.
چادیردا حیات سۆردوکجه، دیرلیک اولدوقجا، اوجاق یانار و اوجاق‌دان چیخان توستو تۆندوکدن یوکسلیب چیخار. بیر پنجره‌نین پرده‌سی کیمی، چادیر خالقی گئجه یوخویا چکیلدیگینده، بو دلیک بیر کئچه ایله اؤرتولر.
مجلس ۲۹ ایل اؤنجه ۳ مارس ۱۹۹۲ده قیرقیزیستان دؤولت بایراغینی قبول ائتدی. موستقیل قیرقیزیستان‌دا بایراق ایلک دفعه ۵ مارس ۱۹۹۲ده گؤیه چکیلدی.
قوزئی قیبریس تۆرک جمهوریتی
قوزئی قیبریس تۆرک جمهوریتی بایراغین‌دا اورتاداکی آی اولدوز تۆرکلویو، اوست‌ده‌کی قیرمیزی باند تۆرکیه‌نی، آلت‌داکی قیرمیزی باند قوزئی قیبریس تۆرک جمهوریتینی سیمگه‌له‌ییر.
دئییلر کی؛ ایکی اؤلکه‌نین گؤرونوشده آیری اما اؤزده عینی اولدوغونو ایفاده ائتمک اوچون تۆرک بایراغینین عینی رنگلری زمین و آی اولدوز رنگلری دییشدیریله‌رک قوللانیلدی.
اؤزبکیستان
اؤزبکیستان بایراغینین سمبولیک معناسی اوچون بیر چوخ نظریه ایر‌لی سورولور. بونلاردان بیرینه گؤره، ۱۲ اولدوز اؤزبک ویلایتلرینی؛ گؤی زمین تۆرکلویو، آغ زمین عدالتی، یاشیل زمین ایسه قوناق سئورلیگی تمثیل ائدیر. ایکی اینجه قیرمیزی خط ایسه "گوجلو اولماغی"؛ یاریم آی ایسه، "یئنی‌لنه‌مه‌یی آنلادیر.
باشقا بیر گؤروشه گؤره ۱۲ اولدوز؛ ۱۲ تقویم آیینی یا دا بورجو تمثیل ائدیر. یاریم آی اسلامی؛ آغ زمین و رنگلر پامبیغی، یعنی اؤلکه‌نین آنا سمبولونو سیمگه‌له‌ییر.
باشقا بیر گؤروشه گؤره، گؤی سویو، آغ باریشی، یاشیل ایسه طبیعتی؛ قیرمیزی باندلار ایسه بو اؤزللیکلری بیرلشدیره‌ن حیات گوجونو تمثیل ائدیر.
تۆرکمنیستان
تۆرکمنیستان بایراغینین سول طرفین‌ده قالین بیر باند اولاراق اوزانان "تۆرکمن خالچاسی" موتیوی یئر آلیر. تۆرکمن خالچاسی و یاشیل زمین، تۆرکمن تاریخینی سمبولیزه ائدیر.
چارپاز اولاراق دیزاین ائدیله‌ن یاریم آی گله‌جیی، بئش اولدوز ایسه تۆرکمن ویلایتلرینی؛ خالچا موتیولری ایسه تۆرکمن بویلارینی تمثیل ائدیر.
