آذربایجان، ۱۰ ارمنی عسگری اؤلکهلرینه قایتاردی
قایتاریلانلارین ۱۶ نوامبردا آذربایجان ایله ارمنیستان سرحدینین کلبجر ایستیقامتینده تخریبات عملیاتینا گیریشیرکن گؤزآلتینا آلینان عسگرلر اولدوغو قید ائدیلدی
1749623
آذربایجان اسیر، ایتکین و گیروو آلینمیش وطنداشلاردان مسئول دؤولت کمیتهسی، ۱۰ ارمنی عسگرینین اؤلکهلرینه قایتاریلدیغینی بیلدیردی.
آچیقلامادا، گؤزآلتیندا توتولان ارمنی عسگرلرین، آوروپا شوراسی باشقانی شارل میشلین گیریشیمی ایله ۱۴ دسامبردا، بلژیکین باشکندی بروکسلده آذربایجان جمهورباشقانی ایلهام علییئو ایله ارمنیستان باشباخانی نیکول پاشینیان آراسیندا ائدیلهن اوچلو گؤروشمه و علییئو ایله میشل آراسیندا گرچکلشن ایکیلی گؤروشمه نتیجهسینده و هومانیزم قانونلارینا باغلیلیغینین تظاهرو اولاراق قایتاریلدیقلاری بیلدیریلدی.
آوروپا شوراسینین آراچیلیغی ایله قایتاریلانلارین ۱۶ نوامبردا ایکی اؤلکه سرحدینین کلبجر ایستیقامتینده تخریبات عملیاتینا گیریشیرکن گؤزآلتینا آلینان عسگرلر اولدوغو قید ائدیلدی.