ذاکیر حسنوو:"آسئلسان-ین محصول‌لاری یوکسک کیفیتده‌دیر"
آذربایجانین ساوونما ناظیری ذاکیر حسنوو آذربایجان اوردوسونون ایکینجی قاراباغ محاربه‌سینده ایستیفاده ائتدیگی آسئلسان محصول‌لاری‌نین یوکسک کیفیتده اولدوغونو وورغولادی.
آذربایجانین ساوونما ناظیری ذاکیر حسنوو آذربایجان اوردوسونون ایکینجی قاراباغ محاربه‌سینده ایستیفاده ائتدیگی آسئلسان محصول‌لاری‌نین یوکسک کیفیتده اولدوغونو وورغولادی.
ذاکیر حسنوو آذربایجانا گئدن آسئلسان ایداره هئیتی‌نین صدری و باش مودیری پروفسور هالوک گؤرگونو قبول ائدیب.
آذربایجان ساوونما ناظیرلیک‌دن ائدیلن شرحه گؤره، ذاکیر حسنوو تورکیه ایله آذربایجانین ساوونما صنایعسی ساحه‌سینده امکداش‌لیقلا باغلی مثبت آددیم‌لار آتیلدیغینی، دؤولت باشچی‌لاری رجب طیب اردوغان و ایلهام علی یئو آراسینداکی دوستلوق و قارداش‌لیق موناسیبت‌لری‌نین ایکی اؤلکه علاقه‌لری‌نین بوتون ایستیقامت‌لرده اینکیشافیندا اهمیت‌لی رول اوینادیغینی ایفاده ائدیب.
گؤروش زامانی معاصر دؤیوش اصول و تکنیکا‌لاری ایله تورکیه و آذربایجانین حربی تجهیزات‌لارینی گوجلندیرمک اوچون حیاتا کئچیردیک‌لری اورتاق لاییحه‌لر موذاکیره اولونوب.
